Эдуард Веркин. Пылан полк (ужаш)

Эдуард Веркин

Пылан полк (ужаш)

–А сар молан келша? – адак Вовка йодеш. – Шижмаш дене?
Мый вигак ом вашеште, икмыняр жап шонем, мутым келыштараш тӧ чем. Вовка вуча. Тудлан камерам налаш кӱ леш. Тудат мый гай фотограф чай, тугела чучеш. Илыш тудлан событий календарь огыл, а шижмаш альбом. Сар... – тудо экциклопедийым лудын, фильм-влакым ончен, компьютер дене модын да сарӱ згар форумышто ӱ чашен. Но умылен огыл.
– Сар чер гай, – вашештем мый.
Вовка шинчапунжым тарватыш.
– Грипплан. Кунам грипп дене черланет, температур кӱ за. Вот кунам тый февральыште черланенат ыле, тыйын кумло индеше да визыт ыле. Шарнет мо?
– Шкендым перыме семын чучеш. Пуйто... – ынде Вовка йӱ кын шона. – Пуйто тый денет огыл, а воктенет лиеш. Вес тӱ няште... Туге?
– Тыгерак.
Мый аппаратым налам. Кумло индешымше ийысе камера таче модыш гай чучеш.
– А эше эре кочмо шуэш.
– Черланыме годым кочмо ок шу, –Вовка тореш улеш. - Малыме шуэш.
– Малымат эре шукта. Да эре йӱ штын чучеш, кеҥ ежымат.
Мый аппаратым футлярыш шылтем.
– Умылышым. – Вовка адак сондык ӱ мбаке онча. – Изишак. Чонлан каньысыр, очыни?
– Очыни. Эре ала-кушко каяш кӱ леш, кажне кечын, да эре ала-мо дечын помыжалтат, кажне кечын вич гана помыжалтат... Кӱ чыкын, тый черле улат, пуйто пуалше, аҥ ыргыше вуй дене, лумым келын, шочмын курымашын кает. Тидын годым умылет, кушкыжмыжо лийынат огеш керт.
– Сай.
Вовка шинчам петыра да сарым шона. Кужеш огыл, ик минут – да вуйжо гыч уто кӱ лдымашым кудалта.
– Чумыр койыш дене раш, вара радамлен каласкалет, йӧ ра?
– Йӧ ра.
Вовка изиш лаштыргыше ужаргырак пачкым сондык гыч волгыдыш луктеш.
– Тамак? – Вовка пеҥ гыде кагазым ӱ пшынчеш.
– Махорко.
– Кудлымшо ий... – ала-могай ойгырымаш дене Вовка пачкыште лудеш.
– Да эше шырпат ала-кушко ыле. Кудлымшо ийла гыч, тунам адак сарым вученыт – ямдылалт шогеныт...
Мый окна деке каем, футляр ден аппарат кӱ сеныште. Книга-влак ӱ мбаке шинчым да иксам ончем. Футляр ден камер шортым шупшыт. Мемнан-влак ял гыч пӧ ртылыт, шылым налыныт, адак кас марте тудым жаритлаш тӱ ҥ алыт. А пычкемшалтмеке, фейеверкым колтат, пытартыш жапыште ала-молан тудын деке шӱ маҥ ыныт. Мый фейерверклан ваштареш омыл, чынжым, йӱ кшӧ лӱ дыкта. Но мый нуным ом чаре: мыйын ийготыштем ала-мом чараш келшен ок тол.
Шашлык, фейерверк, шуматкече.
Чынжым гын, черлан келша. Колымашланат, но тидын нерген Вовкалан шым каласе. Да нылле тӱ рлӧ арверлан келша. А кунам мый тушто лийынам, маланем эре чучын...
Йӧ ра. Мыланем эре ала-мо чучеш, пӱ тынь илышем мучко. Мый пеш кокытеланыше улам: шем тӱ сым ом йӧ рате, шинчалым аралем да кидым эре кок гана мушкам. Вовка пален налеш ыле гын, воштылеш ыле: тудо вуйге материалист, кузе йоча-влак тудын ийготышто.