Час третий. Псалом 66: Бо́же, уще́дри ны. Псалом 50: Поми́луй мя, Бо́же.

тропарь, гл. 6: Сей Бог наш,/ не вмени́тся ин к Нему́,/ роди́выйся от Де́вы, и с челове́ки поживе́;/ во я́слех убо́гих/ Сын Единоро́дный лежа́щь ви́дится челове́к/ и пелена́ми повива́ется, и́же сла́вы Госпо́дь./ И волхво́м звезда́ возвеща́ет в Его́ поклоне́ние./ И мы пои́м:// Тро́ице Свята́я, спаси́ ду́ши на́ша. (2)

Стих: Бог от ю́га прии́дет/ и Святы́й из Горы́ приосене́нныя ча́щи.

тропарь, гл. 8: Пре́жде Рождества́ Твоего́,/ тре́петно зря́ще та́инство Твое́, Го́споди,/ разу́мная во́инства дивля́хуся:/ я́коже бо Младе́нец роди́тися благоизво́лил еси́,/ не́бо украси́вый звезда́ми,/ и во я́слех безслове́сных возлежи́ши,/ дла́нию содержа́й всея́ земли́ концы́./ Таковы́м бо смотре́нием уве́дено бысть милосе́рдие Твое́, Христе́,// ве́лия ми́лость Твоя́, сла́ва Тебе́.

Стих: Го́споди, услы́шах слух Твой и убоя́хся;/ Го́споди, разуме́х дела́ Твоя́ и ужасо́хся.

Слава, и ныне гл. 3: Ио́сифе, рцы нам:/ ка́ко, Ю́же от святы́х прия́л еси́,/ Де́ву непра́здну приво́диши в Вифлее́м?/ Аз, рече́, проро́ки испыта́х/ и, весть прие́м от А́нгела, уве́рихся,/ я́ко Бо́га роди́т Мари́я несказа́нно;/ Ему́же на поклоне́ние волсви́ от восто́ков прии́дут,/ с да́ры честны́ми служа́ще.// Воплоти́выйся нас ра́ди, Го́споди, сла́ва Тебе́.

Прокимен, гл. 4: