Часы Святой Пасхи. Это последование бывает во всю Светлую седмицу вместо повечерия и полунощницы, а также вместо утренних и вечерних молитв.. Аще иерей: Благословен Бог наш. Мирский же глаголет: Молитвами святых отец наших, Господи Иисусе Христе, Боже

Часы Святой Пасхи

Это последование бывает во всю Светлую седмицу вместо повечерия и полунощницы, а также вместо утренних и вечерних молитв.

Аще иерей: Благословен Бог наш...

Мирский же глаголет: Молитвами святых отец наших, Господи Иисусе Христе, Боже наш, помилуй нас. Аминь.

Христос воскресе из мертвых, смертию смерть поправ, и сущим во гробех живот даровав. (Трижды)

Также глаголем (трижды): Воскресение Христово видевше, поклонимся Святому Господу Иисусу, единому безгрешному, Кресту Твоему покланяемся, Христе, и святое воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите, вси вернии, поклонимся святому Христову воскресению: се бо прииде Крестом радость всему миру; всегда благословяще Господа, поём воскресение Его, распятие бо претерпев, смертию смерть разруши.

Ипакои

(единожды)

Предварившыя утро яже о Марии, и обретшыя камень отвален от гроба, слышаху от Ангела: во свете присносущнем Сущаго с мертвыми что ищете яко человека? видите гробныя пелены, тецыте, и миру проповедите, яко воста Господь, умертвивый смерть, яко есть Сын Бога, спасающаго род человеческий.

Кондак

(единожды)

Аще и во гроб снизшел еси, Безсмертне, но адову разрушил еси силу, и воскресл еси, яко Победитель, Христе Боже, женам мироносицам вещавый: радуйтеся! и Твоим апостолом мир даруяй, падшим подаяй воскресение.

И сей тропарь

(единожды)

Во гробе плотски, во аде же с душею, яко Бог, в раи же с разбойником, и на престоле был еси, Христе, со Отцем и Духом, вся исполняяй, неописанный.

Слава Отцу и Сыну и Святому Духу. Яко живоносец, яко рая краснейший, воистинну и чертога всякаго царскаго показася светлейший, Христе, гроб Твой, источник нашего воскресения.

12 Следующая ⇒