Психологиялық ахуал тудыру. Ынтымақтастық атмосферасын құру.

САБАҚ:	Мектеп: №35 «Қараөзек» жалпы орта мектебі Мұғалім: Зайнишева Зарина
Күні: 11.02.2021
Сынып: 5	Қатысқан оқушылар саны:23	Қатыспағандар:0
Сабақтың тақырыбы	Мамандық әлемі сыр шертеді
Осы сабақ арқылы жүзеге асатын оқу мақсаттары	Оқушылардың болашақ мамандықтарын айқын да сенімді таңдауға бағыт беру; Мамандыққа қатысты термин сөздердің мағынасын аша білу; Қоғамға бір пайдасы тиетін мамандық иесі болуға тәрбиелеу;
Пәнаралық байланыс	Өзін-өзі тану
Құндылықтар	Жалпыға бірдей еңбек қоғамы
Жоспар
Сабақтың басы 2 минут 3 минут 7 минут

Психологиялық ахуал тудыру. Ынтымақтастық атмосферасын құру.

Топқа бөлу

«Пазл» әдісі

Мақсаты: Мамандықтарға қатысты суреттердің қиындысы арқылы топтарды анықтау. Оқушыларға 3 әртүрлі суреттердің қиындысы беріледі. Суретті жинаған оқушылар бір топқа жиналады.

Мамандыққа көзқарас өзгерді.

ХХІ ғасыр күн тәртібінде аса өзекті мәселе қойып отыр. Ол – кәсіп, яғни мамандық. Қазақ халқында «Кәсібіне қарай – нәсібі» деген мақал бар. Шындығында да, қазіргі заман адамдардың кәсіпке көзқарасын өзгертуде. Бұған дейін жастарда көбінде істің көзін білсін-білмесін, қайтсем де билікке отырсам деген пиғыл басым болып келді.

Қазір уақыт талабы басқа. Еңбек нарығында үнемі өзгерісте болады. Мамандық таңдау кезінде бір-бірімен тығыз екі нәрсені мұқият ескеріп, басшылыққа алған жөн.

1. Бұл мамандық маған не береді? Осы мамандықты таңдасам, өзімнің қабілетімді түгел жұмсап, өзімді-өзім көрсете аламын ба?

2. Бұл мамандықты меңгерсем, халыққа, қоғамға қандай пайда келтіре аламын. Қорыта келгенде, соған орай жастар да дайын болуы керек.

1-тапсырма

«Кімге қай мамандық жарасады?» ойын
Қазіргі қоғамның өзгерісіне қарай мамандық түрлері өте көп. Сол себепті сендерге таңдау жасау оңай емес. Келесі кезекте мен сендерге мамандық атаулары жазылған карточка таратамын. Сол мамандық атауларына сендер сипаттама бересіздер және де сол мамандықтың оқушылардың арасында кімге сай екендігін айтып өту керексіздер.

Аина: Психолог – ол мейірімді, жайлы, кез – келген адамның жанын түсіне алатын, сонымен қатар оған ақыл – кеңес беретін адам. Қазіргі заман талабына сай психолог мамандығы – өте қажетті мамандық деп есептеймін. Себебі қазіргі кезеңде көптеген адамдарға моральдық жағынан көмек керек. Әсіресе оқушыларға емтихан кезінде немесе кез – келген қиындықтардан шығу жолдарына бағыт – бағдар береді. Психолог мамандығы топ арасында менің бөлмелесім Бинураға көбірек келеді. Себебі ол кез-келген уақытта біздерге өзінің ақылын айтып, тыныштандырады.

Малика: Мұғалім – ол қай қоғамда болмасын өзінің мәнін жоғалтпайтын мамандық. Мұғалімдік қызмет – аса үлкен білімділікті, жауапкершілікті, шеберлікті қажет етеді. Барлық маман иелері ең алдымен мұғалімнің алдынан өтеді. Сол себепті мен үшін маңызды мамандық. Топ ішінде мұғалімдік Мөлдірге жарасады. Ол өте ұстамды, жан – жақты, ізденімпаз.

Суреттер Карточкалар

Сабақтың ортасы 7 минут 10 минут

2-кезең: «Әріпті мамандық»- ойыны. Әр топқа бір әріптен беріледі. Қай топ сол әріптен басталатын мамандық аттарын көп тапса, сол топ жеңіске жетеді. Сонымен қатар өздері тапқан мамандықтарының қыр - сырын айту керек.
І - топ: «А», ІІ - топ: «К».

3-кезең: Мамандық таңдауда мынадай бір формула бар:
«ҮЙРЕНГІМ КЕЛЕДІ – ҮЙРЕНЕ АЛАМЫН – ҮЙРЕНУ КЕРЕК».
ҮЙРЕНГІМ КЕЛЕДІ – бұл талап - тілектің, мақсат пен мүдденің, ынта мен ықыластың кеңістігі;
ҮЙРЕНЕ АЛАМЫН – қабілет - қарымның, таланттың, денсаулықтың кеңістігі;
ҮЙРЕНУ КЕРЕК – еңбек рыногындағы сұраныстардың, аймақтағы әлеуметтік - экономикалық проблемалардың, әлемдік экономикалық даму тенденцияларының кеңістігі.
Кәсіп осы үш дөңгелектің тоғысу нүктесі арқылы оңтайлы таңдалады.
Абай атамыз айтқандай «болмасаң да ұқсап бақ, бір ғалымды сүйсеңіз. Ондай болмақ қайда деп, айтпа ғылым сүйсеңіз» дегендей алға ұмтылып арманымызға жетіп, мамандық иесі болайық.
9-кезең: Оқушыларға пайдалы мәлімет.
Мамандықтың бірнеше классификациясы бар. Олардың неғұрлым белгілілері еңбек пәніне негізделеді. Еңбек пәні бойынша жіктелетін мамандықтар 5 топқа бөлінеді: адам – адам, адам – белгі жүйесі, адам – табиғат, адам – техника, адам – көркем образ.

Бұны қалай түсінесіңдер? Оқушылардың жауабы:
Адам – адам: мұнда мамандық иесі үшін еңбек нышаны болып басқа адам табылады, ал қызмет сипатамасы – басқа адамдарға әсер ету, адамдармен жұмыс істеу. Мұндай мамандықтарға мұғалім, дәрігер, журналист, сатушы, заңгер, банкирлер жатады.

Сабақтың соңы 5 мин

Рефлексия. Оқушылар «Менің болашақтағы мамандығым» атты жазған шығармаларынан үзінді оқиды.
Ж. Аймауытов айтқандай
«Мамандықтың жаманы жоқ, бірақ, мұның кез келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе» десек, Абай атамыз айтқандай «болмасаң да ұқсап бақ, бір ғалымды сүйсеңіз. Ондай болмақ қайда деп, айтпа ғылым сүйсеңіз» дегендей алға ұмтылып арманымызға жетіп, мамандық иесі болайық. Егеменді еліміздің ертеңі — маман иелері болуларыңызға тілектестігімді білдіремін!