Тэма ўрока: Сказы з абагульняльнымі словамі пры аднародных членах, інтанаванне, знакі прыпынку

Дзяржаўная ўстанова адукацыі

“Вялікакрушынаўская базавая школа”

Тэма ўрока: Сказы з абагульняльнымі словамі пры аднародных членах, інтанаванне, знакі прыпынку

Настаўнік беларускай мовы і літаратуры Каралёвай Н.У.

Дата правядзення:03 сакавіка 2016г.

Тэма:Сказы з абагульняльнымі словамі пры аднародных членах, інтанаванне, знакі прыпынку

Мэты: дапамагчы вучням паглыбіць паняцце пра сказы з абагульняльнымі словамі пры аднародных членах і пазнаёміць з правіламі пастаноўкі знакаў прыпынку; выпрацоўваць навыкі пастаноўкі знакаў прыпынку ў сказах з абагульняльнымі словамі,уменне выкарыстоўваць сказы з абагульняльнымі словамі пры аднародных членах ва ўласным маўленні; пашыраць слоўнікавы запас мовы вучняў; падтрымліваць у іх цікавасць да беларускага слова

Абсталяванне: падручнікі, сшыткі, карткі, табліца “Інтанаванне сказаў з абагульняльнымі словамі”

Ход урока

1. Псіхалагічны настрой

Мова,

Пявучая родная мова,

Ты-уладарка нявызнаных скарбаў,

Столькі значэнняў, гучання і фарбаў

Мае ў сабе тваё кожнае слова.

Аляксей Зарыцкі

-Якую думку выказвае паэт у вершы?

-Ці ёсць у вершы аднародныя члены? Назавіце іх.

-Растлумачце пастаноўку знакаў прыпынку ў вершы.

2. Праверка дамашняга задання

-Лічбавы дыктант. Так-1, не-0. Выпраўленне памылак, тлумачэнне.

-Слоўны дыктант

а) узнаўленне правіла “Правапіс у,ў”

б)дыктант і тлумачэнне па ланцужку.

3. Паведамленне тэмы і вызначэнне мэт урока

- Мы да канца ўрока павінны

ўспомніць…,

ведаць…,

умець….

4. Вывучэнне і замацаванне новага матэрыялу

а)-А зараз давайце правядзём даследаванне. Вызначым , што абазначае слова абагульніць, абагульняльнае. (пошук у тлумачальным слоўніку)

-Як вы думаеце, якое слова называюць абагульняльным?

-Звярніце ўвагу на сказы на дошцы:

Усюды было прыгожа: у лесе, на балоце, у полі.

У лесе,на балоце, у полі – усюды было прыгожа.

Усё: і лес, і балота, і поле-было прыгожае.

-Знайдзіце ў першым сказе аднародныя члены.

-Якімі членамі сказа яны з’яўляюцца?

-Ці ёсць у сказе слова, якое абагульняе значэнне усіх членаў сказа?

-Якім членам сказа з’яўляецца абагульняльнае слова?

-Звярніце ўвагу на знакі прыпынку ў гэтых сказах. Ад чаго залежыць пастаноўка знакаў прыпынку?

б)-Вазьміце ў рукі карткі.З прапанаваных варыянтаў выберыце самае поўнае тлумачэнне гэтай тэмы. Ці ўсё мы вызначылі правільна з даследвання?

в) Работа са сказамі.Выпісаць сказы з абагульняльнымі словамі. Растлумачыць пастаноўку знакаў прыпынку, выкарыстоўваючы карткі.

г) Фізкультхвілінка

д) Работа з табліцай “Інтанаванне сказаў з абагульняльнымі словамі”.

Адкрыйце падручнік, практыкаванне 272. Выкарыстоўваючы табліцу, прачытайце сказы з правільнай інтанацыяй, асаблівую ўвагу звяртайце на паўзы.

е) Самастойная работа, практыкаванне 276.Увесці ў сказы абагульняльныя словы, запісаць, паставіць знакі прыпынку. Зрабіць сінтаксічны разбор.

5.Падвядзенне вынікаў урока. Рэфлексія.

-Адкажыце на пытанні:

-У пачатку ўрока я ведаў…

-Я даведаўся новага…

-Мне здалося цікавым…

-Дома я звярну ўвагу на…

6.Тлумачэнне і выстаўленне адзнак. Запіс дамашняга задання: пр.275, параграф 41.