Рэфлексія

Літаратурнае чытанне, 2 клас

Дата___________________

УРОК 9

ТЭМА: Г. Каржанеўская. Песенька; У. Ягоўдзік. Лісічкі.

ЗАДАЧЫ: фарміраваць чытацкіяўменні пацвярджаць свае адказы зместам твора, вылучаць з тэксту аўтарскія вобразныя малюнкі, абгрунтоўваць мэтазгоднасць іх ужывання; выхоўваць беражлівыя адносіны да прыроды.

АБСТАЛЯВАННЕ: лісты дрэў і фотаздымкі разнастайных грыбоў (ядомых і атрутных).

Ход урока

1. Арганізацыйны момант урока

Добры, ветлівы, рахманы,

Працавіты і старанны,

Злосны, сціплы, крапатлівы,

Зухаваты, балбатлівы...

Многа якасцей на свеце,

Выбірайце сабе, дзеці.

Добры — хороший, ветлівы — вежливый, рахманы — кроткий, послушный; працавіты — трудолюбивый, старанны — старательный, злосны — злобный, сціплы — скромный, крапатлівы — старательный, аккуратный; зухаваты — разудалый, легкомысленный, балбатлівы — болтливый...

Выберыце якасці, неабходныя на ўроку. Настаўнік называе якасці яшчэ раз, тлумачыць, калі патрэбна, лексічнае значэнне. Дзеці адказваюць або «Так-так-так» і ківаюць галавой або «Не-не- не» і паварочваюць галаву.

2. Праверка дамашняга задания

Праводзіцца конкурс на лепшага чытальніка верша Я. Коласа “Адлёт жураўлёў”.

3. Маўленчая размінка

Чытанне верша Э. Агняцвет “Бярозавы лісток”, змешчанага на дошцы, з арфаэпічна правіль- ным вымаўленнем гукаў [г], [р], [дз’], [ц’], [ч]. Выпрацоўка ўмення рэгуляваць сілу голасу ў залеж- насці ад зместу тэксту.

А я пакуль не гарманіст,

Прыклаў да вуснаў тонкі ліст —

Штосілы дзьмухаю-іграю, (гучна)

Высокі гук ляціць над гаем. (гучна)

Цішэй падзьмухаю знарок — (ціха)

Адкажа басам мой лісток. (гучна)

А вы скажыце: “Крыжачок!” (ціха)

Пытанні:

- Чаму менавіта на радках гэтага верша вы вучыліся чытаць то больш гучна, то ціха?

- 3 якой мэтай ствараўся падобны гул? (Каб перадаць характар восеньскага ветру — і ціхага, і моцнага, здольнага паламаць дрэвы.)

4. Паведамленне тэмы мэт урока

5. Вывучэнне новай тэмы

5.1 Работа над творам Г. Каржанеускай “Песенька”

Першасны сінтэз (гульня “Пазнайце лісток”) Вучням дэманструюцца асеннія лісточкі: бярозы, дуба, клёна, ліпы, ясеня. Прапануецца назваць дрэва, з якога кожны з іх упаў.

- Чытанне верша настаўнікам. Адказ на пытанне: што вы ўявілі, слухаючы верш?

- Чытанне твора вучнямі з мэтай пошуку адказу на пытанне 1 (с. 31).

Аналіз твора, другасны сінтэз

- Чытанне твора вучнямі ўголас з рознай інтанацыяй.

- Адказ на пытанні 2—4 (с. 31).

- Зачытванне ў вершы слоў, якія рыфмуюцца.

- Чытанне і адгадванне загадкі У. Карызны (с. 31).

5.2. Работа над творам У. Ягоўдзіка “Лісічкі”

Першасны сінтэз

- Адказы на пытанні: якія грыбы вы ведаеце? Якія з іх ядомыя (неядомыя)?

- Самастойнае чытанне апавядання вучнямі.

Аналіз твора, другасны сінтэз

- Адказы на пытанні 1—5 (с. 33).

- Гульнёвае практыкаванне “Пазнайце грыб”

- Вучні разглядаюць фотаздымкі разнастайных грыбоў, называюць кожны з іх.

- Выкананне задання рубрыкі “Давайце абмяркуем тэму разам” (с. 33).

6. Дамашняе заданне

Падрыхтаваць выразнае чытанне абодвух твораў або вуснае выказванне на тэму “Як мы ў грыбы хадзілі” з апорай на план, змешчаны ў падручніку (на выбар вучня).

7. Вынік урока

- Вызначце адносіны Галіны Каржанеўскай да лістападу.

- Ці любіць Уладзімір Ягоўдзік збіраць грыбы? Абгрунтуйце сваю думку.

8. Рэфлексія

Метад «Трох вуглоў».

Каля дошкі збіраюцца дзеці, якія добра працавалі на ўроку, былі ўважлівыя і ўсё зразумелі.

Каля дзвярэй збіраюцца дзеці, якія працавалі, але ім было цяжка.

Каля акна збіраюцца дзеці, якім было на ўроку вельмі цяжка і сумна.

12 3 Следующая ⇒