Марий Элын кугыжаныш пайремже-влак.

Марий Элын кугыжаныш пайремже-влак.

Государственные праздники Марий Эл.

Текстым лудын лекса. Йодышлан вашмутым тетрадьышкыда возыза. (Прочитайте текст, ответы на вопросы запишите в тетрадь.)

Марий Элын шочмо кечыже. Тудо 4 ноябрь тылзыште палемдалтеш. Тений, 2020 ийыште, Шочмо элна шӱдӧ ияш лмӱгечыжым пайремлен. Шӱдӧ ий ончыч 4 ноябрьыште Марий Автономий Областьым ыштыме нерген Москваште В. И. Ленин да М. И. Калинин Декретым подписатленыт. Рӱдӧ олаже Краснококшайск лийын. 1936 ийыште МАО-м МАССР манын лӱмденыт. А 1992 ий гыч – Марий Эл Республик. Кажне ийын республикынан шочмо кечыжым кумдан палемдат. Олалаште да яллаште тисте-влак лойгалтыт. Пайремлан театрыште да культур полатыште концерт, вашлиймаш, тунемме верлаште тӱрлӧ мероприятий-влак пӧлеклалтыт. Чыла вере пайрем сем йоҥга.

Марий тиште кече 10 декабрьыште 1998 ий гыч Марий Элын кокымшо президентше В. А. Кислицинын указше почеш палемдалтеш. 1775 ий 10 декабрьыште «Сочинения, принадлежащие к грамматике черемисского языка» лӱман икымше марий грамматике лектын. Тудым Санкт-Петербург оласе кевытлаште лач тиде кечын ужалаш тӱҥалыныт.Тиде грамматике марий тиштын вияҥмаште пеш кугу ошкылым ыштен. Тиде кечын республикыштына тӱрлӧ конкурсым, викториным, олимпиадым да моло мероприятийым эртарат.

Марий талешке кече26апрельыште лиеш.16 курымышто марий калык шке эрыкше верч чот кредалын. Сарзе-влак коклаште эн пагалыме да тале лужавуй Болтуш лийын. 1556 ий 26 апрельыште Малмыж ола воктене кугу кредалмаште тиде патыр колен. Тиде кечын марий калык шке патыр-влакшым шарна, да нунылан вуйым сава.

Йодыш-влаклан вашмутым пуыза. (Ответьте на вопросы.)

1. Марий Элын кугыжаныш пайремже-влакше могай улыт?

2. Кунам Марий Эл шочмо кечыжым палемда?

3. МАО-м ыштыме нерген кӧ Декретым подписатлен?

4. Икымше марий грамматикым могай олаште савыктеныт(напечатали)?

5. Марий талешке кечын марий калык кӧм шарна?