ТЭФИ-Төбәк» Бөтә Рәсәй телевизион конкурсы еңеүсеһе «БИРЕШМӘ» проекты

«ТЭФИ-Төбәк» Бөтә Рәсәй телевизион конкурсы еңеүсеһе «БИРЕШМӘ» проекты

«БИРЕШМӘ» беренсе үҫмерҙәр премияһын тәҡдим итә!

Маҡсатыбыҙ:

Көслө рухлы, тәүәккәл, маҡсатлы, һәләтле, белемле үҫмерҙәргә хөрмәт күрһәтеү, ижад, хеҙмәттәре өсөн рәхмәт белдереү, уларҙыбаһалау, тиҫтерҙәренә өлгө итеп ҡуйыу, яңы үрҙәргә дәртләндереү.

Идея:

«Бирешмә!» төркөмө

Ойоштороусы:

- «Тамыр» балалар һәм үҫмерҙәр телеканалы

Мәғлүмәти терәк:

- «БСТ» телеканалы

- «Юлдаш» радиоһы

- «Ҡурай» йыр-моң каналы

Премия тәртибе:

Премияға 8 йәштән 18 йәшкә саҡлы ҡаршылыҡтарҙы йырып сығып, фән, әҙәбиәт, сәнғәт, спорт һәм башҡа өлкәләрҙә уңыштарға ирешкән, үҙ һүҙен әйткән, башҡорт телендә ижад иткән, батырлыҡ күрһәткән һәр үҫмер дәғүә итә ала.

Ҡатнашыр өсөн:
1. Документ итеп айырым беркетелгән ғариза (заявка)
2. Скан менән ата-әсәләр рөхсәте (согласие родителей)
3. Бер-нисә фоторәсем (бөтәһе 8-10 фото, 1 портрет)
4. Документ итеп айырым йыйып беркетелгән диплом, грамоталар (скан дипломов)

!Быларҙың барыһын да бер хат итеп bireshmapremiya@gmail.com почтаһына ебәрергә кәрәк.

! Ғаризалар 2 мартҡа тиклем ҡабул ителә!!!

Баһалаусылар:
- «Бирешмә!» төркөмө

- Башҡортостандың билдәле йәштәре

Номинациялар:

1. Бирешмә! Телде үҫтер!

Башҡорт телен ҡәҙерләгән, үҫтергән, әҙәбиәтен, ауыҙ-тел ижадын өйрәнгән, таратҡан өсөн

2. Бирешмә! Ярҙам ит!

Бәләгә тарығандарға ярҙам ҡулы һуҙған йәш батырҙар өсөн

3. Бирешмә! Белемгә ынтыл!

Фәндә, уҡыуҙа тос уңышҡа ирешкән белермән үҫмерҙәр өсөн

4. Бирешмә! Ереңде һаҡла!

Тыуған ерен һаҡлауға үҙ өлөшөн индергән йәш экологтар өсөн

5. Бирешмә! Ижад ит!

Сәнғәттә үҙ һүҙен әйтергә ынтылған тынғыһыҙ йәш ижадсылар өсөн

6. Бирешмә! Көслө бул!

Спортта юғары ҡаҙаныштар яулаған көслө үҫмерҙәр өсөн

7. Бирешмә! Медиадонъяны яула! *

Йәш режиссер, оператор,анимация рәссамдары, журналистар, фотографтар, блогерҙар өсөн

* Ҡыҫҡа метражлы һәм анимация фильмдарының дауамы – 13 минуттан артмаҫҡа тейеш. Видео avi, mpeg4, mp4 форматарҙа ҡабул ителә.

Белешмә өсөн телефон һандары: 8 905 355 40 05 Гөлшат Сәғит ҡыҙы Ғәлиуллина