Ирмосы канона ПРЕДПРАЗДНСТВА богоявления, глас 2:

Ирмосы канона ПРЕДПРАЗДНСТВА богоявления, глас 2:

Песнь 1

Непроходимое волнящееся море, / Божиим Своим велением изсушившему, / и пешешествовати сквозе е израильтеския люди наставльшему, // Господеви поим: славно бо прославися.

Песнь 3

Утверди нас в Тебе, Господи, / Древом умерщвлей грех, / и страх Твой всади // в сердца нас, поющих Тя.

Песнь 4

Пришел еси от Девы, /не ходатай, ни Ангел,, но Сам, Господи, воплощся, / и спасл еси всего мя человека. // Тем зову Ти: слава силе Твоей, Господи.

Песнь 5

Света Подателю и веков Творче, Господи, / во свете Твоих повелений настави нас: // разве бо Тебе=, иного бога не знаем.

Песнь 6

Бездна согрешений обыде мя последняя:/ но, яко пророка Иону,, Господи,, //Господи,, возведи из истления живот мой.

Песнь 7

Образу златому, на поле Деире служиму,/ трие Твои отроцы небрегоша безбожнаго веления, / посреде же огня ввержени, орошаеми, пояху: // благословен еси, Боже отец наших.

Песнь 8

В пещь огненную ко отроком еврейским снизшедшаго / и пламень в росу преложшаго Бога, / пойте, дела=, яко Господа // и превозносите во вся веки.

Песнь 9

От Бога Бога Слова, / неизреченною мудростию пришедшаго обновити Адама, / ядию в тление падшаго люте, / от святыя Девы неизреченно воплотившагося нас ради, // вернии, единомудренно песньми величаем.