СХЕМА КАРОТКАГА ЛІТАРАТУРАЗНАЎЧАГА АНАЛІЗУ МАСТАЦКАГА ТВОРА

СХЕМА КАРОТКАГА ЛІТАРАТУРАЗНАЎЧАГА АНАЛІЗУ МАСТАЦКАГА ТВОРА

1. Агульная характарыстыка гістарычнай абстаноўкі, у якой пісаўся твор.

2. Месца тэксту ў сістэме творчасці пісьменніка. Вызначыць, да якога перыяду творчасці аўтара ён адносіцца.

3. Звесткі з гісторыі публікацыі. Назваць дату і месца першай публікацыі твора. Вызначыць уплыў твора на свядомасць чытачоў, а таксама змены ў ацэнцы твора на працягу развіцця грамадства.

4. Тэма і фабула мастацкага твора. Прататыпная аснова тэксту.

5. Праблематыка мастацкага твора.

6. Пафас і ідэйны змест мастацкага твора.

7. Характарыстыка сістэмы вобразаў мастацкага твора.

8. Асаблівасці сюжэту мастацкага твора.

9. Кампазіцыйныя асаблівасці мастацкага твора.

10. Характарыстыка мовы мастацкага твора: словатворчыя, лексіка-сінанімічныя, кантэкстуальна-сінанімічныя, сінтаксічныя сродкі ўзбагачэння выразнасці маўлення.

11. Калі тэкст вершаваны, вызначыць да якой сістэмы вершаскладання ён адносіцца, назваць памер, асаблівасці анакрузы, клаўзулы, рыфмы і рыфмоўкі.

12. Жанр мастацкага твора.

13. Вызначыць, у межах якога літаратурнага напрамку быў створаны мастацкі твор, а таксама якім мастацкім метадам пераважна карыстаўся пісьменнік пры стварэнні тэксту.

14. Асабістыя адносіны да твора.

15. Месца твора ў гісторыі нацыянальнай і сусветнай культуры.

Для пацвярджэння пэўных вывадаў абавязкова прыводзяцца прыклады-цытаты з мастацкага твора.

СХЕМА КАРОТКАЙ ЛІТАРАТУРАЗНАЎЧАЙ ХАРАКТАРЫСТЫКІ ЖЫЦЦЯ І ТВОРЧАСЦІ ПІСЬМЕННІКА

1. Агульная характарыстыка гістарычнага перыяду, у які працаваў (працуе) пісьменнік.

2. Кароткія звесткі біяграфічнага характару пра пісьменніка.

3. Характарыстыка творчасці пісьменніка: пачатак літаратурнай дзейнасці; этапы літаратурнай дзейнасці; мастацкія асаблівасці некаторых твораў.

4. Пісьменнік і грамадства: грамадзянская пазіцыя пісьменніка; узаемаўплыў творчасці пісьменніка і грамадска-палітычна абстаноўкі, грамадскай свядомасці народа. Вызначце, ці адбываліся змены ў ацэнцы твораў пісьменніка ў сувязі са зменамі ў грамадстве.

5. Вашы асабістыя адносіны да творчасці пісьменніка.

6. Месца творчасці пісьменніка ў гісторыі нацыянальнай і сусветнай культуры.

Для пацвярджэння пэўных вывадаў абавязкова прыводзяцца прыклады-цытаты з мастацкіх твораў названаг пісьменніка.