Иере́й: Мир всем.

⇐ ПредыдущаяСтр 5 из 8Следующая ⇒

Иере́й: Мир всем.

Хор: И ду́хови твоему́.

Вече́рний проки́мен (в четве́рг ве́чера):

Диа́кон: Прему́дрость во́нмем. Проки́мен, глас шесты́й:

По́мощь моя́ от Го́спода,/ сотво́ршаго не́бо и зе́млю.

Хор: По́мощь моя́ от Го́спода,/ сотво́ршаго не́бо и зе́млю.

Диа́кон: Возведо́х о́чи мои́ в го́ры, отню́дуже прии́дет по́мощь моя́.

Хор: По́мощь моя́ от Го́спода,/ сотво́ршаго не́бо и зе́млю.

Диа́кон: По́мощь моя́ от Го́спода,/

Хор: Сотво́ршаго не́бо и зе́млю.

Пареми́и:

Диа́кон: Прему́дрость.

Чтец: Бытия́ чте́ние.

Диа́кон: Во́нмем.

(Из главы 28:)

Чтец: Изы́де Иа́ков от студенца́ кля́твеннаго и и́де в Харра́нь. И обре́те ме́сто, и спа та́мо: за́йде бо со́лнце, и взят от ка́мения ме́ста того́, и положи́ возгла́вие себе́, и спа на ме́сте о́ном. И сон ви́де. И се ле́ствица, утвержде́на на земли́, eя́же глава́ досяза́ше до небе́с, и А́нгели Бо́жии восхожда́ху и низхожда́ху по ней. Госпо́дь же утвержда́шеся на ней, и рече́: Аз Бог Авраа́мов, отца́ твоего́, и Бог Исаа́ков, не бо́йся: земля́, иде́же ты спи́ши на ней, тебе́ дам ю и се́мени твоему́. И бу́дет се́мя твое́, я́ко песо́к земны́й, и распространи́тся на мо́ре, и ли́ву, и се́вер, и на восто́ки; и возблагословя́тся о тебе́ вся коле́на земна́я и о се́мени твое́м. И се Аз с тобо́ю, сохраня́яй тя на вся́ком пути́, а́може а́ще по́йдеши. И возвращу́ тя в зе́млю сию́, яко не и́мам тебе́ оста́вити, до́ндеже сотвори́ти Ми вся, ели́ка глаго́лах тебе́. И воста́ Иа́ков от сна своего́, и рече́: яко eсть Госпо́дь на ме́сте сем, аз же не ве́дех. И убоя́ся, и рече́: я́ко стра́шно ме́сто сие́; несть сие́, но дом Бо́жий и сия́ врата́ Небе́сная.

Отправился Иаков от Колодца Клятвы и пошел в Харран, и пришел на одно место, и лег там спать, потому что зашло солнце. И взял один из камней того места, и положил под голову себе, и уснул на том месте. И увидел во сне: и вот, лестница утверждена на земле, а ее верх доходит до неба; и Ангелы Божии восходили и нисходили по ней. Господь же стоял на ней, и сказал Он: "Я – Бог Авраама, отца твоего, и Бог Исаака; не бойся. Землю, на которой ты спишь, тебе Я дам ее и семени твоему; и будет семя твоё, как песок земной; и распространится к морю, и к югу, и к северу, и к востоку; и благословятся в тебе и в семени твоем все племена земные; и вот, Я с тобою, сохраняя тебя на всяком пути, куда бы ты ни пошел; и возвращу тебя в землю сию, ибо не оставлю тебя, доколе не совершу Я того, что сказал тебе". И пробудился Иаков от сна своего и сказал: "Господь присутствует на месте этом; а я не знал!" И убоялся и сказал: "Как страшно место сие! Это не что иное, как дом Божий, и это – врата небесные!" Быт 28:10–17

Диа́кон: Прему́дрость.

Чтец: Прoро́чества Иезеки́илева чте́ние.

Диа́кон: Во́нмем.

(Из глав 43-44:)

Чтец: Та́ко глаго́лет Госпо́дь: бу́дет от дне осма́го и про́чее, сотворя́т иере́и на олтари́ всесожже́ния ва́шего и я́же спасе́ния ва́шего, и прииму́ вы, глаго́лет Адонаи́ Госпо́дь. И обрати́ мя на путь врат святы́х вне́шних, зря́щих на восто́ки, и сия́ бя́ху затворе́на. И рече́ Госпо́дь ко мне: врата́ сия́ затворе́на бу́дут и не отве́рзутся, и никто́же про́йдет сквозе́ их; я́ко Госпо́дь Бог Изра́илев про́йдет и́ми, и бу́дут затворе́на. Я́ко Игу́мен ся́дет в них сне́сти хлеб, по пути́ Ела́мских врат вни́дет и по пути́ его́ изы́дет. И введе́ мя по пути́ врат святы́х, су́щих к се́веру, пря́мо хра́му, и ви́дех, и се испо́лнь сла́вы храм Госпо́день.

[Так говорит Господь:] со дня восьмого и далее будут приносить священники на жертвеннике всесожжения ваши и жертвы о спасении вашем; и Я благосклонно приму вас, говорит Господь. И возвратил он меня на путь ко внешним вратам святилища, обращенным на восток, и они были затворены. И сказал мне Господь: "Врата эти будут затворены, и не отворятся, и никто не пройдет через них, ибо Господь, Бог Израилев, пройдет через них, и они будут затворены. Потому правитель – он сядет в них, чтобы вкусить хлеб пред Господом; войдет путем притвора этих ворот, и тем же путем выйдет". И ввел меня по пути к воротам святилища, тем, что к северу напротив храма, и я увидел: и вот, полон славы дом Господень. Иез 43:27; 44:1–4

Диа́кон: Прему́дрость.

Чтец: При́тчей чте́ние.

Диа́кон: Во́нмем.

(Из главы 9:)

Чтец: Прему́дрость созда́ Себе́ дом и утверди́ столпо́в седмь. Закла́ Своя́ же́ртвенная, и раствори́ в ча́ши Свое́й вино́, и угото́ва Свою́ трапе́зу. Посла́ Своя́ рабы́, созыва́ющи с высо́ким пропове́данием на ча́шу, глаго́лющи: И́же есть безу́мен, да уклони́тся ко Мне. И тре́бующим ума́ рече́: Прииди́те, яди́те Мой хлеб, и пи́йте вино́, е́же раствори́х вам. Оста́вите безу́мие и жи́ви бу́дете, и взыщи́те ра́зума, да поживете́, и испра́вите ра́зум в ве́дении. Наказу́яй злы́я прии́мет себе́ безче́стие, облича́яй же нечести́ваго опоро́чит себе́: обличе́ния бо нечести́вому ра́ны ему́. Не облича́й злых, да не возненави́дят тебе́. Облича́й прему́дра, и возлю́бит тя. Даждь прему́дрому вину́, и прему́дрший бу́дет. Сказу́й пра́ведному, и приложи́т приима́ти. Нача́ло прему́дрости страх Госпо́день и сове́т святы́х ра́зум: разуме́ти бо зако́н по́мысла есть блага́го. Сим бо о́бразом мно́гое поживе́ши вре́мя, и приложа́тся тебе́ ле́та живота́.

Премудрость построила себе дом, утвердила семь столбов, заколола свои жертвы и растворила в чаше своей вино и приготовила свою трапезу; послала своих рабов, созывая с возвышенною проповедью к чаше: "Кто неразумен, пусть повернет ко мне!" И скудоумным она сказала: "Придите, вкусите хлебы мои и испейте вина, которое я растворила вам; оставьте неразумие, и живы будете, и взыщите разума, чтобы пожить и достичь рассудительности в познании". Поучающий злых наживет себе бесславие, а обличающий нечестивого – опозорит себя. Не обличай злых, чтобы они не возненавидели тебя; обличай мудрого, и он возлюбит тебя; давай повод мудрому, и он будет еще мудрее; сообщай праведному, и он приложит внимание. Начало премудрости – страх Господень, и совет святых – разум; познать же Закон – свойство ума доброго: ведь таким образом проживешь ты долгое время и прибавится тебе лет жизни. Притч 9:1–11

Ектения́ сугу́бая:

Сподо́би, Го́споди:

Хор: Сподо́би, Го́споди, в ве́чер сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.

Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет. Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Ектения́ проси́тельная:

Лития́:

Стихи́ры пра́здника самогла́сны:

Глас 1:

Хор: Подоба́ше самови́дцам Сло́ва и слуга́м/ и е́же по пло́ти Ма́тере Его́ успе́ние ви́дети,/ коне́чное ели́ко на Ней та́инство,/ я́ко да не то́кмо е́же от земли́ Спа́сово восхожде́ние у́зрят,/ но и Ро́ждшия Его́ преставле́нию свиде́тельствуют./ Те́мже, отвсю́ду Боже́ственною си́лою собра́вшеся,/ Сио́на достиго́ша/ и на Не́бо иду́щую предсыла́ху, вы́шшую Херуви́м,/ Е́йже и мы с ни́ми покланя́емся,// я́ко моля́щейся о душа́х на́ших.

Надлежало очевидцам Слова и служителям / и успение Матери Его по плоти видеть, / ибо оно было последним совершившимся над Нею таинством; / так чтобы они не только восхождение от земли Спасителя узрели, / но и о преставлении Родившей Его свидетельствовали. / Потому, отовсюду перенесенные Божественною силою, / они прибыли в Сион / и провожали идущую на небо Высшую Херувимов. / Ей и мы с ними поклоняемся, / как ходатайствующей о душах наших.

Глас 2:

Я́же Небе́с вы́шшая су́щи,/ и Херуви́м сла́внейшая,/ и всея́ тва́ри честне́йшая,/ я́же премно́гия ра́ди чистоты́/ Присносу́щнаго Существа́ прия́телище бы́вши,/ в Сыно́вне ру́це днесь всесвяту́ю предае́т ду́шу,/ и с Не́ю исполня́ются вся́ческая ра́дости,// и нам да́рует ве́лию ми́лость.

Небес высшая, и Херувимов славнейшая, / и честью все творение превосходящая, / Ставшая за величайшую чистоту / вечного Существа обителью, / в сей день в руки Сына предает всесвятую душу, / и с Нею все исполняется радости, / и нам даруется великая милость.

Всенепоро́чная Неве́ста/ и Ма́ти Благоволе́ния О́тча,/ Я́же Бо́гу пронарече́нная,/ во Свое́ Ему́ жили́ще несли́тнаго соедине́ния/ днесь пречи́стую ду́шу Творцу́ и Бо́гу предае́т,/ Ю́же Безпло́тных си́лы боголе́пно подъе́млют,/ и к Животу́ преставля́ется,/ су́щая Ма́ти Живота́,/ Свеща́ непристу́пнаго Све́та,/ спасе́ние ве́рных// и упова́ние душ на́ших.

Всенепорочная Невеста / и Матерь Благоволения Отца, / предназначенная стать собственным жилищем Богу / при Его неслиянном с природой человеческой соединении, / в сей день пречистую душу Творцу и Богу предает, / которую с достойной Бога честью принимают Бесплотных Силы, / и к жизни переселяется истинная Матерь Жизни, / светильник неприступного Света, / спасение верных и надежда душ наших.

Глас 3:

Прииди́те, вси концы́ земни́и,/ честно́е преставле́ние Богома́тере восхва́лим:/ в ру́це бо Сы́на ду́шу непоро́чную положи́./ Те́мже святы́м успе́нием Ея́ мир оживотвори́ся,/ во псалме́х, и пе́ниих, и пе́снех духо́вных// со Безпло́тными и апо́столы пра́зднует све́тло.

Придите, все пределы земли, / священное преставление Богоматери восхвалим, / ибо в руки Сына Она непорочную душу отдала; / потому святым успением Её мир оживотворился, / псалмами, и гимнами, и песнями духовными / с бесплотными и Апостолами празднуя светло!

Глас 5:

⇐ Предыдущая 1 2 3 456 7 8 Следующая ⇒