РУССКАЯ ПРАВДА. Краткая редакция.Академический список сер. XV в.). Правда роськая. РУССКАЯ ПРАВДА

РУССКАЯ ПРАВДА

(Краткая редакция.Академический список сер. XV в.)

Правда роськая

I. Убьеть муж мужа, то мьстить брату брата, или сынови отца, любо отцю сына, или братучаду, любо сестрину сынови; аще не будеть кто мьстя, то 40 гривенъ за голову; аще будеть русинъ, любо гридинъ, любо купчи на, любо ябетникъ, любо мечникъ, аще изъгои будеть, любо словенинъ, то 40 гривенъ положити за нь.

2. Или будеть кровавъ или синь надъраженъ, то не искати ему видока человhку тому; аще не будеть на немъ знамениа никоторагоже, то ли приидеть видокъ; аще ли не можеть, ту тому конець; оже ли себе не можеть мьстити, то взяти ему за обиду 3 гривнh, а лhтцю мъзда.

3. Аще ли кто кого ударить батогомъ, любо жердью, любо пястью, или чашею, или рогомъ, или тылеснию, то 12 гривнh; аще сего не постигнуть, то платити ему, то ту конець.

4. Аще утнеть мечемъ, а не вынемъ его, любо рукоятью, то 12 гривнh за обиду.

5. Оже ли утнеть руку, и отпадеть рука любо усохнеть, то 40 гривенъ.

6. Аще будеть нога цhла или начьнеть храмати, тогда чада смирять.

7. Аще ли персть утнеть который любо, 3 гривны за обиду.

8. А во усh 12 гривнh, а въ бородъ 12 гривнh.

9. Оже ли кто вынезь мечь, а не тнеть, то тъи гривну положить.

10. Аще ли ринеть мужь мужа любо от себе любо к собh, 3 гривнh, а видока два выведеть; или будеть варягъ или колбягъ, то на роту.

11. Аще ли челядинъ съкрыется любо у варяга, любо у кольбяга, аего за три дни не выведуть, а познають и въ третий день, то изымати ему свои челядинъ, а 3 гривнh за обиду.

12. Аще кто поъдеть на чюжемъ конh, не прошавъ его, то положити 3 гривнh.

РУССКАЯ ПРАВДА

(Пространная редакция. Троицкий список XIV в.)

СУД ЯРОСЛАВЛЬ ВОЛОДИМHРОВИЧЬ

ПРАВДА РУСЬСКАЯ

26. Не терпя ли противу тому ударить мечемь, то вины ему в томь нhтуть.

27. Аче ли утнеть руку, и отпадеть рука или усохнеть илинога, или око, или носутнеть, то полувирье 20 гривенъ, а тому за вhкъ 10 гривенъ.

28. Аже перстъ утнеть кии любо, 3 гривны продажh, а самому гривна кунъ.

29. А придеть кровавъ мужь. Аже придеть кровавъ мужь на двор или синь, то видока ему не искати, но платити ему продажю 3 гривны; аще ли не будеть на немь знамения, то привести ему видокъ слово противу слова; а кто будеть почалъ, тому платити60 кунъ; аче же и кровавъ придеть или будеть самъ почалъ, а вылhзуть послуси, то то ему за платежь, оже и били.

30. Аже ударить мечемь, а не утнеть на смерть, то 3 гривны, а самому гривна за рану же лhчебное, потнеть или на смерть, а вира.

31. Аче попъхнеть мужь мужа любо к собh ли от собе, любо по лицю ударить, ли жердью ударить, а видока два выведуть, то 3 гривны продажи; аже будеть варягъ или колбягъ, то полная видока вывести и идета на роту.

32. О челяди. А челядинъ скрыеться, а закличють и на торгу, а за 3 дни не выведуть его, а познають и третий день, то свои челядинъ поняти, а оному платити 3 гривны продажи.

33. Аже кто всядеть на чюжь конь. Аже кто всядеть на чюжь конь не прашавъ, то 3 гривны.

34. Аче кто конь погубить, или оружье, или портъ, а заповъсть на торгу, а послъ познаеть въ своемь городъ, свое ему лицемь взяти, а за обиду платити ему 3 гривны.

35. Аже кто познаеть свое, что будеть погубилъ или украдено у негочто, или конь, или портъ, или скотина, то не рци и: «Се мое», но пойди насводъ, кдh есть взялъ, сведитеся, кто будеть виноватъ, на того татба снидеть; тогда онъ свое возметь, а что погибло будеть с нимь, то же ему начнеть платити; аще будеть коневыи тать, выдати князю на потокъ; паки ли будеть клътныи тать, то 3 гривны платити ему.

37. О татбh. Паки ли будеть что татебно купилъ в торгу, или конь, или портъ, или скотину, то выведеть свободна мужа два или мытника; аже начнет не знати, у кого купилъ, то ити по немь тhмъ видокомъ на роту, а истьцю свое лице взятии; а что с нимь погибло, а того ему е желhти, а оному желhти своихъ кунъ, зане не знаеть у кого купивъ; познаеть ли на долзh, у кого то купилъ, то своh куны возметь, и сему платити, что у него будеть погибло, а князю продажю.

38. Аже познаеть кто челядь свои украденъ, а поиметь и, то оно вести и по кунамъ до 3 свода; пояти же челядинъ в челядина мhсто, а оному дати лице, ать идеть до конечняго свода, а то есть не скотъ, нh льзh рчи: «Не веде, кто есмь купилъ», но по языку ити до конця; а кдh будеть конечнии тать, то опять воротить челядина, а свои поиметь, и проторъ тому же платити, а князю продажh 12 гривенъ в челядине или украдше.