З ГІСТОРЫІ
Кафедра этналогіі і фальклорупрацуе з 2003 года. Але ўжо з 2009-2010 гадоў яна – стабільна ў пяцёрцы лідэраў па аб’ёме навуковых публікацый ва БДУКМ і мае адзін з наймацнейшых навуковых складаў універсітэту. Сярод выкладчыкаў кафедры: прафесары – кандыдат філалагічных навук Аляксей Рагуля, доктар мастацтвазнаўства Вольга Лабачэўская; дацэнт – кандыдат культуралогіі Вячаслаў Калацэй; старшыя выкладчыкі – кандыдат педагагічных навукНаталля Петухова,магістр мастацтваў Эвеліна Шчадрына, Таццяна Пладунова, Наталля Матыліцкая; выкладчыкі –даследчыкі мастацтвў, магістры мастацтвазнаўства Вячаслаў Красулін, Юлія Люкевіч, Віёла Казаніна. Этнамузыкалогію выкладае супрацоўнік НAH Беларусі кандыдат мастацтвазнаўства Тамара Варфаламеева, народны танец – вядомы прадзюсар і этнахарэолаг Мікола Козенка
За 10 год існавання кафедры сіламі яе калектыва :
· створана інавацыйная сістэма падрыхтоўкі спецыялістаў галіны музычнага мастацтва вуснай традыцыі (этнафоназнаўства) у выніку чаго ў Беларусі ўпершыню з’явіліся спецыялісты-практыкі па аўтэнтычным фальклоры;
· штогод праводзяцца міжнародныя навуковыя канферэнцыі па праблемах аўтэнтычнага фальклору памяці антраполага Зінаіды Мажэйкіі этнаграфічныя канцэрты носьбітаў фальклорнай спадчыны розных рэгіёнаў Беларусі;
· выкананы 2 заданні дзяржаўнай навукова-тэхнічнай праграмы «Культура» і спецыяльны праект фонда Прэзідэнта Рэспублікі Беларусь па падтрымцы культуры і мастацтва – адраджэнне абрада Страла на Веткаўшчыне;
· адладжана сістэма супрацоўніцтва з фестывалем «Берагіня» (яго правядзенне ўключана ў «План мерапрыемстваў па ажыццяўленні Канцэпцыі нацыянальнай бяспекі Рэспублікі Беларусь»*), у выніку чаго атрымалі вышэйшую адукацыю шэраг маладых носьбітаў фальклору-самародкаў з беларускай глыбінкі;
· складзены кантэнт па апісанаму Таццянай Кухаронак абраду «Калядныя Цары», які ўпершыню (і на сёння – эксклюзіўна) забяспечыў прадстаўніцтва Беларусі ў Urgent Safeguarding List UNESCО – міжнародным спісе нематэрыяльных культурных каштоўнасцей Свету;
· арганізаваны 5 маладзёжных фальклорных калектываў аўтэнтычнага напрамку – ўдзельнікаў 15 Міжнародных фальклорных фестываляў у Расіі, Літве, Латвіі, Славакіі, Эстоніі, Швецыі Францыі, Германіі, Харватыі.
______________________________________
    * Канцэпцыя зацверджана Распараджэннем Прэзідэнта Рэспублікі Беларусь ад 07.08.2002г. № 218 рп.
|
ТВОРЧЫЯ
этнасуполка – калектыў кафедры, у які ўваходзяць студэнты чатырнаццатага набору (2018) спецыялізацыі «Этнафоназнаўства». Пад кіраўніцтвам артыста-вакаліста вышэйшай катэгорыі Таццяны Пладуновай гурт выступае са сваёй праграмай на святах па усёй рэспубліцы, з’яўляецца дыпламантам фэстаў у Санкт-Пецярбурзе (2007) і ў Маскве (2014), лаўрэатам фальклорнага фестывалю «Baltica-2014» (Вільня).
Раме – зараз студэнты трынаццатага набору (2017) спецыялізацыі «Этнафоназнаўства». Назва калектыва паходзіць ад старабеларускага «рамёна» – плечы. Назвай кіраўнік дацэнт Вячаслаў Калацэй падкрэсліў, што вучні падзяляюць справы сваіх настаўнікаў, з’яўляюцца іх апірышчам. Калектыў рыхтуе валачобную, купальскую і калядную праграмы, папярэднія наборы з’яўляліся лаўрэатамі фэстаў у Славакіі (2012), Рызе (2013), Казахстане (2015), Санкт-Пецярбургу (2016). стыпендыятамі Спецыяльнага фонда Прэзідэнта Рэспублікі Беларусь па падтрымцы таленавітай моладзі (2017).
страла – сёння студэнты адзінаццатага набору (2015). За час творчай біяграфіі гурт дакрануўся да традыцыі Вéткаўскіх карагодаў, здзейсніў праекты з ансамблем салістаў Белдзяржфілармоніі «Класік-авангард» і маладымі кампазітарамі Беларусі. Калектыў – дыпламант фэстаў: імя Івана Салерцінскага-2011 (Віцебск), «Sekmines-2015» (Вісагінас); стыпендыят Спецыяльнага фонда Прэзідэнта Рэспублікі Беларусь па падтрымцы таленавітай моладзі (2015). Педагог-лідар – Эвеліна Шчадрынá.
АГНЯВЕЦ – студэнты дванаццатага набору (2016) спецыялізацыі «Этнафоназнаўства». Дзяўчаты і хлопцы пад кіраўніцтвам старшага выкладчыка Наталлі Петуховай, – бяруць удзел у творчых праектах, з’яўляюцца дыпламантамі розных фальклорных фестываляў. Пад кіраўніцтвам выкладчыка Вячаслава Красуліна гурт здзейсніў этнаграфічную экспедыцыю ў Глыбоцкі раён і развучвае запісаны рэпертуар ад нашчадкаў трупы Ігната Буйніцкага - гурта «Цярэшка».
  
|
КАЛЕКТЫВЫ КАФЕДРЫ
|
|
Талака – форма арганізацыі супольнай працы ва ўсходнееўрапейскім рэгіёне з
неалітычных часоў Старой Еўропы. Talkunna (у фінаў), Talka (у латышоў і летувісаў), Талака – як слова і як звычай характэрна і для фіна-уграў, і для балтаў, і для беларусаў. У калектыве з такой назвай ад чатырох да аднаго года разам займаюцца фальклорам студэнты розных курсаў спецыялізацыі «Этнафоназнаўства». «Талака» – дыпламант міжнародных фестываляў студэнцкай музыкі Belfort-2003 і 2007 (Францыя); фэстаў «Покровские колокола-2006» (Вільня), «Slaavi valgis-2013» (Эстонія), «Как на речке было на Фонтанке-2013» (Санкт-Пецярбург), «Laiksne 20 jubileu-2013» (Рыга), «Rudeninės-2014» (Літва); «Etnokrakow-2015» (Польшча); «Baltica-2015» (Латвія); стыпендыят Спецыяльнага фонда Прэзідэнта Рэспублікі Беларусь па падтрымцы таленавітай моладзі (2014). Кіраўнік – Вячаслаў Калацэй, канцэртмайстры – Вячаслаў Красулін (дуда), Паўлюк Ляшок (ударныя), Алесь Масібут (скрыпка).
НАВУКА І ВУЧЭБНЫ ПРАЦЭС
|
