Песнь 3. Седа́лен, глас 3.

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Я́ко су́ще духо́внии о́блацы, во́ду и́стиннаго ра́зума/ су́щим на земли́, сла́внии, во освяще́ние иска́пасте.

Ду́ха избра́нием, я́ко испо́лнени Того́ благода́ти, служи́ти прему́дрии,/ потре́бам святы́х учине́ни бы́сте.

Восхва́лим Парме́на сла́внаго, и му́драго Ти́мона, и честна́го Про́хора,/ и высо́каго умо́м Никано́ра.

Богоро́дичен: Иска́пающаго сла́дость, избавле́ние злых, родила́ еси́ Блага́го Го́спода,/ Чи́стая Де́во Всенепоро́чная.

Седа́лен, глас 3.

Подо́бен: Боже́ственныя ве́ры:

Боже́ственныя трубы́ и́стины, сосу́ди честни́и благоче́стия,/ наста́вницы блудя́щих спасе́ннии я́вльшеся, Госпо́дни апо́столи,/ ра́дуйтеся и моли́те Христа́ Бо́га, прося́ще дарова́ти нам ве́лию ми́лость.

Сла́ва, и ны́не, Богоро́дичен:

Боже́ственнаго естества́ не отлу́чься, плоть бысть во чре́ве Твое́м,/ но Бог вочелове́чся и пребы́сть, И́же по рождестве́ Ма́терь Тя Де́ву,/ я́ко пре́жде рождества́, сохрани́в Всенепоро́чну, еди́н Госпо́дь:/ Того́ приле́жно моли́ дарова́ти нам ве́лию ми́лость.

Крестобогоро́дичен:

Нескве́рная А́гница Сло́ва, нетле́нная Де́ва Ма́ти,/ на Кресте́ зря́щи пове́шена из Нея́ без боле́зни Прозя́бшаго,/ ма́терски подо́бно рыда́ющи, вопия́ше:/ увы́ Мне, Ча́до Мое́, ка́ко стра́ждеши во́лею,/ хотя́ изба́вити от страсте́й безче́стия челове́ка?

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Возсия́вше на высоте́ церко́вней, я́коже зве́зды незаходи́мы,/ злоче́стия омраче́ние разори́ша и мир просвети́ша Благоде́теля апо́столи.

Служа́й по благода́ти Ева́нгелию,/ Никомиди́и был еси́, Про́хоре преблаже́нне, изря́ден учи́тель/ и Боже́ственный первопресто́льник, ста́ду Христо́ву предста́тельствуя.

Честь Боже́ственну насле́довал еси́, Никано́ре блаже́нне,/ заколе́н быв, я́ко овча́, со двема́ ты́сящами, на Христа́ упова́ющими,/ во́ньже сконча́ся день Стефа́н первострада́лец.

Богоро́дичен: Неискусобра́чно родила́ еси́ Бо́га Сло́ва,/ вопло́щшася, Пречи́стая, па́че ума́ и сло́ва,/ те́мже по до́лгу Тя, Де́во, сла́вим и досто́йно ублажа́ем.

Песнь 5

Ирмо́с: Ты Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Ты, Го́споди, Твоя́ ученики́, я́коже трубы́, посла́л еси́,/ возставля́ющия от гробо́в пре́лести ду́ши песносло́вящия Тя.

Ти́мон свяще́нный, па́стырь во́стряном быв,/ прия́т муче́ния блаже́нную кончи́ну,/ огне́м сожига́емь.

Вели́кий Парме́н пред очи́ма апо́столов у́спе,/ соверши́в со тща́нием те́плым Боже́ственное служе́ние.

Богоро́дичен: Пое́м Тя, Е́юже тли изба́вихомся, Всенепоро́чная, и а́да,/ и пе́рвыя муча́щия зло́бы льсти́ваго.

Песнь 6

Ирмо́с:Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́ щшися/ ра́ди ми́лости от ребр Твои́х/ исте́кшею Кро́вию.

Никано́р, жизнь возвеща́я бу́дущую, и Крест, и стра́сти/ за милосе́рдие пло́тию Пострада́вшаго,/ умерщвля́ется, иуде́йскими рука́ми убива́емь.

Вели́кий вжига́емь Ти́мон жела́нием Госпо́дни любве́,/ повеле́ньми беззако́нник посреде́ огня́ скончава́ется,/ всесожже́ние боже́ственно быв.

Боже́ственная, и светоно́сная, и благода́ти испо́лнена ва́ша, апо́столи, па́мять/ освяща́ет всех мы́сли, ве́рою творя́щих сию́, блаже́ннии.

Богоро́дичен: Чи́ни Тя безпло́тных А́нгел почита́ют,/ и апо́стольстии ли́цы, и му́ченик собо́ри, Богороди́тельнице,/ и́бо всех Царя́ несказа́нно родила́ еси́.

Конда́к, глас 1. Подо́бен: Утро́бу Деви́чу:

Диа́кони честни́и,/ и самови́дцы Сло́ва,/ и сосу́ди избра́ннии яви́стеся ве́ры,/ Никано́р, Про́хор, Парме́н и Ти́мон, сла́внии,/ те́мже днесь свяще́нную па́мять ва́шу пра́зднуем,/ в весе́лии се́рдца вас ублажа́юще.

Песнь 7

Ирмо́с: В пещи́ авраа́мстии о́троцы перси́дстей,/ любо́вию благоче́стия па́че/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

Все́ю мы́слию Христа́ возлюби́вше, еди́наго в добро́те су́щаго,/ я́ко вои́стинну, пресла́внии, лу́чший жре́бий прия́сте – Ца́рствие Небе́сное.

От Сло́ва, из Де́вы возсия́вшаго нам, сло́вом почте́ни бы́вше,/ де́лы же свяще́нными ве́рных спаси́тели яви́стеся,/ сих претворя́юще безслове́сие, Богоблаже́ннии.

Пострада́л еси́ стра́нно, блаже́нне Никано́ре, посека́емь/ нра́вом злочести́вых евре́ев и Христу́ я́ко а́гня, приводи́м,/ благослове́н еси́ в хра́ме, – вопия́, – сла́вы Твоея́, Го́споди,

Богоро́дичен: Сло́вом Сло́во Отчее, Отрокови́це, родила́ еси́,/ сло́вом не́бо сотво́ршаго и зе́млю,/ и сла́виши Сего́, Пречи́стая, сло́во подаю́щаго,/ чи́сто в Него́ ны́не ве́рующим.

Песнь 8

Ирмо́с: Ру́це распросте́р, Дании́л/ львов зия́ния в ро́ве затче́;/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели, о́троцы, взыва́юще:/ благослови́те, вся дела́ Госпо́дня, Го́спода.

От ка́ла страсте́й изба́висте и су́етства повину́ющияся ва́шим уче́нием, прему́дрии,/ и к высоте́ сих ра́зума возведо́сте, Бо́гу угоди́вшия до́бре и вопию́щия:/ благослови́те, вся дела́ Госпо́дня, Го́спода.

Боже́ственный да почти́тся Парме́н Боже́ственными пе́сньми/ вку́пе с Ти́моном, и всехва́льный Про́хор, и Никано́р чу́дный,/ я́ко ученицы́ Иису́совы и богати́телие язы́ков, вопию́щих:/ благослови́те, вся дела́ Госпо́дня, Го́спода.

Вас с Петро́м и про́чих лу́чших Госпо́дь ученики́ прия́т:/ причте́ни у́бо, сла́внии, к нарече́нным седми́десятим,/ избра́нных же до́бре, я́ко испо́лнени су́ще ве́ры,/ святы́я служи́ти потре́бам, прехва́льнии.

Богоро́дичен: Се богоглаго́ливых гла́сы коне́ц прия́ша,/ поро́ждши Тебе́, Пресу́щнаго Го́спода, от о́ных явля́емаго,/ во спасе́ние ве́рным, Богора́дованная, вопию́щим:/ благослови́те, вся дела́ Госпо́дня, Го́спода.

Песнь 9

Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.

Яви́стеся сосу́ди Сло́ва, всю вмести́вше зарю́,/ лу́чшии честны́х служи́телей, святы́х потре́бам послужи́вше/ и со Сло́вом, прему́дрии, сла́вы неизрече́нныя наслажда́ющеся.

Днесь вся тварь ва́шу па́мять пра́зднует,/ Ти́моне, Парме́не и Никано́ре с Про́хором Богопропове́дником,/ досто́йно ублажа́юще вас, Богови́дцы и преблаже́ннии.

Взя́стеся к вели́цей сла́ве, я́ко ученицы́ Бо́жия Сло́ва,/ и со апо́стольскими ли́ки и безпло́тных ны́не ра́дуетеся./ С ни́ми при́сно моли́те поми́ловатися нам, сла́внии.

Богоро́дичен: Глас Тебе́ вопие́м, Де́во, ра́достно Арха́нгелов:/ ра́дуйся, ра́досте А́нгелов, апо́столов честносло́вие,/ и проро́ков пропове́дание, и му́чеников венча́ние.

Святые апостолы Прохор, Никанор, Тимон и Парменбыли апостолами от семидесяти и первыми диаконами Церкви Христовой.

После Вознесения Господня и Сошествия Святого Духа на апостолов число верующих во Христа в Иерусалиме значительно возросло. Христиане иерусалимской общины жили вместе и имели общими одежду и пищу, но среди еллинистов¹¹¹ возник ропот на палестинских евреев из-за того, что они обделяли их вдов при распределении всего необходимого. «Это небрежение о вдовицах происходило не от недоброжелательства, но, вероятно, от невнимательности по причине многолюдства. Потому это и поставлено было на вид, – а это зло немаловажное, – чтобы тотчас же исправить его» (Святитель Иоанн Златоуст). Тогда святые апостолы предложили избрать семь человек для ведения дел, чтобы остальные члены общины могли полностью посвятить себя проповеди евангельского учения. «Не хорошо нам, – сказали они, – оставив слово Божие, пещись о столах. Итак, братие, выберите из среды себя семь человек изведанных, исполненных Святого Духа и мудрости: их поставим на эту службу, а мы постоянно пребудем в молитве и служении слова» (Деян.6:2–4).

По слову апостолов, были выбраны семь диаконов (служителей). Помолившись, апостолы возложили на них руки и таким образом сообщили им через видимое действие благодатную силу и власть для назначенного служения. Постепенно кроме обязанности заботиться о церковном имуществе на диаконов было возложено и наблюдение за порядком в богослужебных собраниях верующих; они стали помогать епископам при совершении богослужений, особенно таинств, и даже проповедовать.

Среди избранных семи диаконов были святые Прохор, Никанор, Тимон и Пармен, причисленные к собору семидесяти апостолов. Когда святые апостолы разошлись с проповедью Евангелия по разным странам, вместе с ними отправились и святые Прохор, Тимон и Пармен. Святой апостол Никанор принял мученическую кончину в 34 году в Иерусалиме – в день, когда был побит камнями святой первомученик и архидиакон Стефан (†34; память 27 декабря и 2 августа). Тогда было убито иудеями две тысячи христиан. Память святого Никанора совершается также 28 декабря.

Святой апостол Прохор сопутствовал апостолу Петру, который затем поставил его епископом города Никомидии. Существует мнение, что после блаженной кончины Божией Матери святой Прохор был спутником апостола и евангелиста Иоанна Богослова и вместе с ним был сослан на остров Патмос, где и записал со слов апостола Иоанна его Евангелие и Апокалипсис. Однако некоторые считают, что учеником апостола Иоанна был другой Прохор, изображаемый на иконах молодым, тогда как апостол Прохор, бывший диаконом, не мог в то время быть молодым. В службе святой Прохор называется только учеником апостола Петра и епископом Никомидии. Святой апостол Прохор мученически скончался 9 августа в г. Антиохии.

Святой апостол Тимон после служения Церкви в сане диакона был поставлен во епископа города Бастории в Аравии. Он много претерпел от иудеев и язычников. Однажды его бросили в раскаленную печь, но Господь сохранил святого невредимым. Предание Римской Церкви сообщает, что апостол Тимон был распят на кресте. Память его совершается также 30 декабря.

Святой апостол Пармен с усердием совершал служение, порученное ему святыми апостолами. По одним источникам, он скончался в Иерусалиме, был оплакан и погребен самими апостолами. По другим источникам, апостол Пармен проповедовал Евангелие в Македонии, скончался мученически и погребен в г. Соли на острове Кипре в последние годы царствования императора Траяна (98–117).

Литература:

1. Собор святых семидесяти апостолов. Казань, 1907, с. 45–49.

2. Жизнь и труды святых славных и всехвальных двенадцати апостолов Господних, семидесяти меньших апостолов и прочих равноапостольных благовестников Христовых. Ч. 1–3. Изд. 2-е. М., 1900, с. 263–264.

3. Святитель Иоанн Златоуст. Творения. СПб., т. 9, с. 134–137.

⇐ Предыдущая 12