Ин кано́н святых жен, на 4. Глас 4.

Ин кано́н святых жен, на 4. Глас 4.

Ирмо́с: О́троки благочести́выя в пещи́/ Рождество́ Богоро́дичо спасло́ есть;/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,// и превозноси́те Его́ во вся ве́ки.

Све́тлы себе́ от крове́й ри́зы му́ченических обложи́сте,/ совле́кшеся и́стинно тле́емаго греха́ми челове́ка/ и воспева́юще; Го́спода по́йте, дела́, и превозноси́те Его́ во вся ве́ки.

Оби́льнаго све́та светоли́тиями,/ Со́лнца мы́сленнаго Боже́ственными светлостьми́, му́ченицы, освеща́еми,/ нощь претеко́сте безбо́жия,/ пою́ще единомышле́нием души́: / Го́спода по́йте, дела́, и превозноси́те Его́ во вся ве́ки.

Я́ко а́гницы, я́ко нескве́рныя ю́ницы,/ я́ко боже́ственныя голуби́цы, я́ко самово́льная́ заколе́ния,/ приведо́стеся, му́ченицы, Зижди́телю,/ и я́ко же́ртвы непоро́чны, согла́сно пою́ще:/ Го́спода по́йте, дела́, и превозноси́те Его́ во вся ве́ки.

Повеле́нием мучи́телей пребеззако́нных непра́ведную подъя́сте смерть,/ на у́ды ссеца́еми, па́лицами сокруша́еми,/ неми́лостивне бие́ми, огне́м всесожига́еми, мече́м посека́еми;/ тем безсмертная прия́сте с ра́достию бога́тная воздая́ния.

Богоро́дичен: Во след Тебе́ теко́ша жены, Ми́ра благово́ннаго ве́дуще,/ Всечестна́я Богоневе́сто,/ еди́на Неискусобра́чная,/ из утро́бы Твоей возсия́вшаго Единоро́днаго Сы́на,/ и с Тобо́ю ца́рствуют и́стинно, песносло́вяще Христа́ во ве́ки.

Ин кано́н преподобнаго, на 4. Глас 8.

Ирмо́с: На горе́ святе́й просла́вльшася/ и в купине́ огне́м Присно де́вы/ Моисе́ови та́йну я́вльшаго,/ Го́спода по́йте// и превозноси́те во вся ве́ки.

От вся́каго отлучи́вся пристра́стия/ и ма́терню не́мощь уще́дрив,/ я́ко живе́й яви́лся еси́ по сме́рти:/ Го́спода по́йте и превозноси́те Его́, вопия́, во ве́ки.

Ю́ношу стя́гнул еси́ разслаблена/ и одр Фи́ларху повелевавши на ра́му нести́, свяще́ннейше, вопия́:/ Го́спода по́йте и превозноси́те Его́ во вся ве́ки.

⇐ Предыдущая 7 8 9 10 11 121314 15 16 Следующая ⇒