Кано́н пра́здника, со ирмосо́м на 8, глас 4.

Песнь 8.

Кано́н пра́здника, со ирмосо́м на 8, глас 4.

Ирмо́с: О́троки благочести́выя в пещи́/ Рождество́ Богоро́дичо спасло́ есть,/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те его́ во вся ве́ки.

Па́мять Твою́, Чи́стая Де́во,/ Нача́ла же, и Вла́сти, и Си́лы, А́нгели, Арха́нгелы,/ Престо́ли, Госпо́дства, Херуви́ми сла́вят и стра́шнии Серафи́ми;/ челове́ческий же род – пое́м и превозно́сим во вся ве́ки.

И́же стра́нно всели́выйся, Богоро́дице, в чи́стое чре́во Твое́, воплоща́емь,/ Сей, всесвяще́нный дух Твой прие́м,/ у Себе́ упоко́и, я́ко должни́к Сын,/ те́мже Тя пое́м, Де́во, и превозно́сим во вся ве́ки.

О, вы́ше ума́ чуде́с Присноде́вы же и Богома́тере!/ Во гроб бо все́льшися, показа́ рай./ Ему́же предстоя́ще днесь, ра́дующеся, пое́м:/ Го́спода по́йте, дела́, и превозноси́те его́ во вся ве́ки.

Ин Кано́н свята́го на 4, глас 2.

Ирмо́с: В пещи́ о́трочестей прообрази́л еси́ иногда́ Твою́ ма́терь, Го́споди:/ о́браз же Сия́ из огня́ изыма́ше неопа́льно входя́щая./ Ю́же пое́м, я́вльшуюся Тобо́ю конце́м днесь,/ и превозно́сим во вся ве́ки.

Непобеди́ма зря безу́мный мучи́тель, тя, доблему́дренне,/ егда́ реме́ние кроя́ще да́же до са́мых косте́й, приложи́ ногтьми́ терза́ти тя,/ язва́ми нестерпи́мыми уязви́вся неисце́льно.

Глаго́л Бо́жий с Небесе́ во услы́шание всего́ наро́да, му́чениче, принесе́ся тебе́, Ми́роне,/ ко о́нем тя призыва́ющ неизрече́нным поко́ищем, сла́вне,/ и А́нгельским кра́сным ликостоя́нием.

Стоя́л еси́, я́коже Дании́л, посреди́ звере́й, стыдя́щихся бла́женныя стра́сти/ и подвиго́в твои́х, преблаже́нне, неизче́тнаго вели́чества,/ живы́м же гла́сом твои́м заступа́емых.

Богоро́дичен: Устреле́н стрело́ю врага́, ду́шу до конца́ уязви́х, и неисце́льно стра́жду:/ И́же Спа́са Христа́ неизрече́нно ро́ждши, Пренепоро́чная,/ исцели́ мя и спаси́, упова́ние ненаде́жных.

⇐ Предыдущая 1 2 3 4 5 6 789 10 Следующая ⇒