ткәреү ваҡыты: 21.04.2020 Әҙәби уҡыу дәресе Тема: Фәниә Сынбулатова “Атай – ғаиләлә хужа”

Үткәреү ваҡыты: 21.04.2020 Әҙәби уҡыу дәресе Тема: Фәниә Сынбулатова “Атай – ғаиләлә хужа”

Маҡсат: аңлы, дөрөҫ уҡыу күнекмәләрен үҫтереү, һөйләмде мәғәнәһенә ҡарап, тейешле интонация менән уҡырға өйрәнеү; һүҙлек байлығын тулыландырыу; ата – әсәгә ҡарата һөйөү тойғоһо тәрбиәләү.

Дәрес барышы

Һаумыһығыҙ! Шиғырҙы ҡысҡырып уҡы!

Мин бәхетле был донъяға тыуғанға,

Зәңгәр күктән яҡты ҡояш көлгәнгә,

Йылы өйҙә тыныс тормош торғанға,

Ата-әсәм, туғандарым булғанға.

Дәреслектең 39-сы битендәге һүрәттәрҙе ҡара.

- Был һүрәттәрҙә кемдәр бар? Улар нимә менән шөгөлләнәләр? Улар ниндәй сифаттарға эйә? Ғаиләлә ауыр эштәрҙе кем башҡара? Уға кем дәрт өҫтәй, көс бирә?

Хикәйәнең исемен уҡығыҙ. (“Атай – ғаиләлә хужа”) Әҫәрҙең исеме нимә тураһында һөйләй?

- Ғаиләлә кем хужа булырға тейеш?Атаймы? Әсәйме?

- Был мәсъәләне асыҡларға Фәниә Сынбулатованың “Атай – ғаиләлә хужа” исемле әҫәре ярҙам итер.

Әҫәрҙә шундай һүҙҙәр осраясаҡ:

Һүҙлек эше: Ҡартатай – олатай (дедушка),

                 Ҡартәсәй – өләсәй (бабушка),

                 Башлыҡ – хужа, эйәртеүсе (глава),

                 Абруйлы – хөрмәтле (уважаемый, почетный),

                 Хәстәрләү – ҡайғыртыу (забота),

                  Терәк – таяныс (опора).

Хикәйәне иғтибар менән тыңлап ултырығыҙ. Кем ғаиләлә хужа икән?

- Был хикәйәлә нимә тураһында һүҙ барҙы?

- Ғаиләлә әсәй, атай ниндәй эштәр башҡара?

- Тимәк, ғаиләлә кем хужа булырға тейеш?

- Ә хәҙер хикәйәне үҙ аллы уғып сығығыҙ.

Һығымта яһау.

- Тимәк, атайҙар ниндәй булырға тейеш?

Бөгөн дәрестә һеҙ нимә белдегеҙ? Көндәлек мәсъәләләр хәл иткәндә һуңғы һүҙҙе атай әйтә. Атайығыҙҙың әйткәндәрен һәр ваҡыт иҫтә тоторға кәрәк!

41-се биттәге Р. Хәйриҙең “Атай менән һөйләшеү” исемле шиғырын тасуири уҡырға өйрән. Мин дә һинең уҡығаныңды ишеткем килә.

Дәрестә бик матур эшләнең! Рәхмәт!