Кантрольная работа. Клеткі, тканкі, органы і сістэмы органаў. Нервовая сістэма.. Сенсорныя сістэмы. Варыянт 1

Кантрольная работа

Клеткі, тканкі, органы і сістэмы органаў. Нервовая сістэма.

Сенсорныя сістэмы

Варыянт 1

1. Печань адносіцца да выдзяляльнай сістэмы. 1) Так. 2) Не.

2. Выберыце з дадзенага пераліку тканкі ўнутранага асяроддзя (злучальныя тканкі): эпітэліяльная, кроў, мышачная, нервовая, касцявая.

3. Шлях, па якім праходзіць нервовы імпульс ад рэцэптара да рабочага органу, называецца …

4. Акамадацыя ажыццяўляецца за кошт …

5. Што такое бінаўральны слых?

6. Устанавіце адпаведнасць паміж аддзеламі цэнтральнай нервовай сістэмы і функцыямі, якія яны рэгулюць.

Аддзел ЦНС

Функцыя

1) спінны мозг; 2) прадаўгаваты мозг; 3) сярэдні мозг; 4) мазжачок; 5) прамежкавы мозг; 6) вялікія паўшар’і.

а) рэгуляцыя глытання, чхання, рвоты; б) каардынацыя рухаў; в) адказвае за працэсы мочаспускання і дэфекацыі; г) ажыццяўляе арыенціровачныя рэфлексы на святло і гук; д) ажыццяўляе кіраванне адвольнымі рухамі; е) падтрыманне пастаяннай тэмпературы цела.

7. Чым аўтаномная нервовая сістэма адрозніваецца ад саматычнай?

8. Вока – гэта орган або сенсорная сістэма? Адказ абгрунтуйце.

9. Састаўце паслядоўнасць праходжання нервовага імпульсу па трохнейроннай рэфлекторнай дузе спіннамазгавога сімпатычнага рэфлексу, выкарыстоўваючы ўсе элементы. Адказ запішыце ў выглядзе паслядоўнасці лічбаў.

1) аксон адчувальнага нейрона;

2) цела гангліянарнага нейрона аўтаномнай нервовай сістэмы;

3) цела ўставачнага нейрона;

4) перадвузлавое нервовае валакно;

5) паслявузлавое нервовае валакно;

6) адчувальнае нервовае валакно;

7) нервовы вузел;

8) рабочы орган.

10.Дакажыце на канкрэтным прыкладзе, што арганізм – гэта адзінае цэлае.

12 Следующая ⇒