Номнация «Литература на крымскотатарском языке» (поэзия)

Нияра ХАЛИЛОВА (с. Славянское Раздольненского района, Республика Крым)

Номнация «Литература на крымскотатарском языке» (поэзия)

Подноминация «Для детей»

КИРПИЧИК

Бахчада кирпи кезе,
Алма къокъусын сезе,
Тереклерге якъынлай,
Пишкен алмалар сайлай.

Кирпи алма пек север,
Узакътан чапып келер,
Мейва къокъусын дуйса,
Алма пишип башласа.

Алма, алма, тездже пиш,
Татлы олуп, ерге тюш!
Сени аркъама юклеп,
Отурмаджам мен беклеп.

Тез-тез эвге къачарым,
Алмачыкъны сакъларым.
Къышлыкъ чокъ шейлер джийдым,
Ювачыгъым толдурдым.

Хазинемде нелер бар?
Амутлар бар, мантарлар…
Къыш кельсе, мен ач олмам,
Ойнап, кулюп, ич солмам!
*** *** *** ***

Къырымнъынъчёль тарафлары

Ах-Шеих тарафлары
Не къадар гузель!
Чечеклери, отлары…
Ярашыкъ чёллер!

Акъбардакълар, аш-ашлар,
Назик лялелер
Турли -тусли килим киби,
Севинч берелер.

Ах-Шеих чёллеринде
Севиндим гульлеринден.
Не къадар да чокъ бакъам —
Окъадарлыкъ къуванам!

Эр тарафта лялелер—
Не гузельдир бу чёллер!
Къар астындан ким бакъар?
Бу назик акъбардакълар!

Олардан сон— кене бакъ:
Къырмызы патлакъчанакъ!
Язгъа чыкъсакъ — даа чокъ
Эгленджелер. Арты ёкъ

Къуванчымны. Балалар,
Ойнап, багъгъа чапалар.
Дениз бою мен кезем,
Салкъын авалар сезем.

Кунеш нурлары парлакъ.
Авасы бираз сыджакъ…
Къара дениз саеси —
Унутулмаз икяеси:

Мавы кок, ешиль отлар,
Далгъларда юнуслар
Суре- суре юрелер,
Бизге къуванч берелер.

Акъкъушлар ве шагъалар
Коктен бизни корелер.
Къумда яткъан агъалар
Джан сефасын сурелер.

Чапып юрген балалар,
Чувылдашып, кулелер…
Бу куньлернин фияты —
Быхтымны беяз аты.

Не гузельдир бу ерлер:
Денизден эскен ельлер,
Ах-Шеих тарафлары
Чечеклери, отлары!