II. Эв вазифесини сорав.

Стр 1 из 3Следующая ⇒

Кадирова Лера КР-17

Къырымтатар тилинден дерснинъ план-конспекты

6 сыныф

Дерснинъ мевзусы:Сыфат дереджелери.

Дерснинъ типи:къарышыкъ типтеки дерс.

Талим чешити: сыныф-дерс системасы.

Дерснинъ макъсады:

Окъутув макъсады: талебелернинъ сыфат акъкъында бильгилерини умумийлештирмек ве текрарламакъ; сыфат дереджелери акъкъында малюмат бермек, нутукъта къулланмакъны огретмек.

Инкишаф макъсады: талебелернинъ агъзавий ве язма нутукъларыны зенгинлештирмек, инкишаф этмек.

Тербиевий макъсат: тувгъан тильге севги дуйгъуларыны ашламакъ ве сёзге урьмет тербиелемек.

Талим усуллары: сёз усулы, корьгезме усулы, амелий усулы.

Дерс васталары: дерслик, иш дефтери, джедвель

Дерснинъ кетишаты:

I. Тешкилий къысым:

– Селямлашув. (Селям алейкум, балалар! Насылсынъыз?)

– Дерсте ким бар, ким ёкъ?

Дерсте олмагъан талебелерни къайд этюв.

Нутукъ дакъкъасы:(талебелернен субет)

- Балалар, шимди йылнынъ насыл мевсими? Къышта табиатта насыл денъишмелер ола? Къыш айларыны айтынъыз.

II. Эв вазифесини сорав.

- Талебелер, кечкен дерсте насыл мевзуны кечкен эдик? (Сыфат)

- Сыфат акъкъында бильгилеримизни пекитмек ичюн, «зынджырчыкъ» оюны ойнайыкъ. (Оджа башлай, талебелер девам этелер)

1. Сыфат нени ифаделей?

2. Насыл суаллерге джевап бере?

3. Сыфатлар джумледе насыл синтатик вазифени беджерелер? (Экинджи дередже азалары)

Вазифе.Бильгилеримизни пекитмек ичюн невбеттеки джедвельни толдурынъыз.

Сыфатларнынъ манасы	Мисаллер
Предметнинъ: тюсю	Мавы, … (беяз, ешиль, сарылтым, кок)
колеми	Балабан, , … (уфакъ, къыскъа, бойлу, узун)
дам-лезети	Татлы, … (шекерли, тузлу)
табияты	Мераметли, … (юваш, серт)
алы	Эсли, яш, … (кедерли, шенъ)
ер, вакъыткъа мунасебети	Къышлыкъ, … (язлыкъ, акъшамлыкъ, шеэрли, ерли)

12 3 Следующая ⇒