Главная

Контакты

Случайная статья

• Автоматизация
• Антропология
• Археология
• Архитектура
• Биология
• Ботаника
• Бухгалтерия
• Военная наука
• Генетика
• География
• Геология
• Демография
• Деревообработка
• Журналистика
• Зоология
• Изобретательство
• Информатика
• Искусство
• История
• Кинематография
• Компьютеризация
• Косметика
• Кулинария
• Культура
• Лексикология
• Лингвистика
• Литература
• Логика
• Маркетинг
• Математика
• Материаловедение
• Медицина
• Менеджмент
• Металлургия
• Метрология
• Механика
• Музыка
• Науковедение
• Образование
• Охрана Труда
• Педагогика
• Полиграфия
• Политология
• Право
• Предпринимательство
• Приборостроение
• Программирование
• Производство
• Промышленность
• Психология
• Радиосвязь
• Религия
• Риторика
• Социология
• Спорт
• Стандартизация
• Статистика
• Строительство
• Технологии
• Торговля
• Транспорт
• Фармакология
• Физика
• Физиология
• Философия
• Финансы
• Химия
• Хозяйство
• Черчение
• Экология
• Экономика
• Электроника
• Электротехника
• Энергетика

Канон свята́го апо́стола Петра́, глас 4.

Канон свята́го апо́стола Петра́, глас 4.

Ирмо́с: Сей Бог наш, от Де́вы вопло́щся/ и естество́ обожи́в,/ Его́же воспева́юще, вопие́м:/ сла́ва си́ле Твое́й, Го́споди.

Челове́ком ловца́ тя, я́коже обеща́ Христо́с, соде́ла Боже́ственна Своея́ Це́ркве,/ пе́рвому вручи́в корми́ла.

Тобо́ю умоля́емь Жизнода́вец Иису́с,/ вяза́ти же и реши́ти да́вый тебе́ вла́сть, Пе́тре, да бу́дет ми ми́лостив.

Христо́во Ца́рствие отве́рсти приле́жно моли́ся, Пе́тре,/ Боже́ственную твою́ па́мять ве́рою несумне́нною чту́щим.

Богоро́дичен: Госпоже́ Всепе́тая, Богороди́тельнице,/ моя́ помышле́ния Твои́ми моли́твами очи́стивши,/ покажи́ мя благопло́дна, Ма́ти всех Бо́га.

Ин кано́н свята́го апо́стола Па́вла, глас 8.

Ирмо́с: Всел еси́ на ко́ни, апо́столы Твоя́, Го́споди,/ и прия́л еси́ рука́ма Твои́ма узды́ их,/ и спасе́ние бы́сть ежде́ние Твое́/ ве́рно пою́щим:/ сла́ва си́ле Твое́й, Го́споди.

Все́де, я́коже лев, ярови́дно погубля́я Христо́ву Це́рковь, Савл иногда́,/ ят же быв Боже́ственным гла́сом А́гнца Бо́жия, Его́же гоня́ше,/ ста́до я́ко па́стырю вруча́ет.

Хотя́й просвети́ти вселе́нную омрача́ется,/ Ана́ния же к сему́ посла́ся, душе́вное же просвеще́ние дая́й и теле́сное/ от Боже́ственнаго явле́ния, сосу́д избра́н показа́в того́.

Па́влом досто́йно Дама́ск напоя́ется:/ от сего́ бо, я́коже от рая́ иногда́,/ вод Боже́ственных сей произы́де вели́кий исто́чник/ и упои́ всю Богоразу́мием незави́стно зе́млю.

Богоро́дичен: Низложи́ си́льныя со престо́л Госпо́дь, Де́ва и Ма́ти я́коже рече́,/ а́лчущия же Боже́ственных благ испо́лни, ве́рою зову́щия:/ сла́ва си́ле Твое́й, Го́споди.

Пе́снь 5.

Канон свята́го апо́стола Петра́, глас 4.

Ирмо́с: Стяжа́вый ны, избра́нныя лю́ди/ Кро́вию Твое́ю, Го́споди,/ Твой мир да́ждь нам,/ во единомы́слии сохраня́я ста́до Твое́.

И́же от любве́ прии́м дерзнове́ние к Бо́гу,/ досто́йно чуди́м быва́ше лове́ц и неве́жда,/ чудоде́йствуя пресла́вно благода́тию.

Не зла́то Тебе́ ра́ди, ни сребро́, Христе́,/ Боже́ственный Твой апо́стол, но доброде́тель стяжа́в,/ чуде́с обогати́ся си́лою.

Исправля́хуся стопы́ и гле́зне⁶⁸ хромы́х, де́йственным твои́м глаго́лом:/ Боже́ственным бо Ду́хом соверша́хуся пресла́вныя ве́щи.

Богоро́дичен: Воплоти́ся Бог по ипоста́си, Чи́стая, из Тебе́ пло́тию соединя́емь,/ пребы́в неизме́нен, по Боже́ственному существу́ безпло́тен.