Песнь 5-я.. Песнь 6-я.. Песнь 7-я.

Песнь 5-я.

Просвети Христе умы наша, и изведи из тьмы неразумия, Сам научи нас о чем Тя просить и в молитве глаголати.

Ты Христе Иисусе Спасение душ наших, Ты врачу немощствующих, исцели сокрушенные грехом сердца наша, настави нас в вере и любви, да единодушно воспоем: разве Тебе иного бога не знаем.

Слава:Иисусе Христе Многомилостиве, просящих приими нас, воззри на скорбь сердец наших и исполни прошение от души Тебе приносимое.

И ныне:К Тебе прибегаем в молитве Богородительнице, Христа Иисуса Рождшей, умоли Сына Своего да упасет ны, блуждающих по морю страстного жития к отишию благоотишному.

Песнь 6-я.

Исповедающих скорбь сердца нашего приими Христе и милостивно исполни прошение к Тебе припадающих – упаси нас от лютого веельзевула, ищущего пожрети нас, недостойных раб Твоих.

Апостоли силою свыше облеченнии многия народы приводяху к познанию Тебе Единого, всади ревность апостольскою в сердца пастырей наших, да Тобою наставляеми и вразумляеми ведут ны к Тебе Жизнодавче Христе.

Слава:Иисусе Жизнодавче, не возгнушайся нас, нечистая уста имущих и Твое Святое Имя призывати дерзающих, но милостивно исполни прошения на Тя надеющихся.

И ныне:Молим Тя Христе, Спасе наш о ниспослании избранных для дела Твоего, услыши нас молитвами Богородицы и спаси нас.

Песнь 7-я.

Христе Иисусе, посли пастырей на жатву Твою, да будут огнедухновенными устами Твоими и рассеют спасительное проповедание, и сим оградят ны от волка мысленного ищущего погибели раб Твоих.

Христе Иисусе, Спасе наш, блуждаем мы яко овцы не имущие пастыря; молим Тя, изведи избранных Тобою, могущих привести ны к Царствию Твоему.

Слава:Посли Господи Иисусе Христе раб Твоих, да вострубят среди нечестия и зловерия истиной словес Твоих.

И ныне:Посли Господи и ныне проповедников Вополощения Твоего от неискусобрачныя Девы Марии, Матери Твоея, да разрушатся нечистивые басни хитрословесных мира сего.

⇐ Предыдущая 123 Следующая ⇒