Чин молебнаго пения. Псалом 50-й.. Евангелие от Матфеа, зачало 27.

Стр 1 из 3Следующая ⇒

Чин молебнаго пения

во дни губительных бедствий и техногенных катастроф*

Благословен Бог наш:

Царю Небесный:

Трисвятое по Отче наш:

Псалом 50-й.

Бог Господь: глас 8:

Призираяй на землю и творяй ю трястися,/ избави ны страшнаго прещения Твоего, Христе Боже наш,/ и низпосли нам богатыя милости Твоя/ молитвами Богородицы, и спаси ны.

Слава, глас 6:

Иже древле в Вавилоне гордыя языки поразивый, Господи, праведнаго Твоего прещения избави ны./ Пощади грешныя люди Твоя,/ яже стяжал еси Твоею Кровию;/ не предаждь нас погибели от дел рук наших,/ иного бо, разве Тебе, Бога не вемы,/ и воззови погибающим:/ Аз есмь с вами, и никтоже на вы.

И ныне, глас тойже:

Милосердия двери отверзи нам,/ Благословенная Богородице,/ надеющиися на Тя, да не погибнем,/ но да избавимся Тобою от бед,/ Ты бо еси спасение рода христианскаго.

Прокимен, глас 4: Буди, Господи, милость Твоя на нас, якоже уповахом на Тя. Стих: Услышит тя Господь в день печали. Апостол ко Евреем, зачало 331 от полу. Аллилуиа, глас 4: Боже, отринул ны еси и низложил еси нас. Стих: Господи, да не яростию Твоею обличиши мене,/ ниже гневом Твоим накажеши мене.

Евангелие от Матфеа, зачало 27.

Помилуй нас, Боже:

Еще молимся о Великом Господине:

Еще молимся о богохранимей стране нашей:

Иже от бури морския спасый ученики Твоя, Господи, запрети бури и ветром, утверди основания земли, молимтися, услыши и милостивно помилуй.

Сотворивый мир и вся, яже в нем, Господи, приими покаяние наше и во время потребно посли земли дождь и благорастворение воздухов, умири стихии, да грех наших ради не мучается и страждет тварь, молимтися, услыши и милостивно помилуй.

Делом гордых противящийся, Господи, дела рук наших исправи, да не обратятся на главы наша и не погубят ны, но призри на смирение наше и низпосли благодать и мир, молимтися услыши и милостивно помилуй.

Услыши ны, Боже:

12 3 Следующая ⇒