Галина Савина

Галина Савина

Дядяй

Верос

Шӧ дтэк шорысь инбамез сьӧ д пилемъёс басьтӥ зы. Лек тӧ л эриксэ шӧ дӥ з но соосты, зорен тырмытэм тушак пуйыосты сямен, гурт вылэ вуттӥ з. «Осто, та куазь кыӵ е чаляк воштӥ ське! Али гинэ шунды пиштэ вал, табере тём пеймыт кариськиз но зорыны ӧ дъя ни», — малпаз Валя, борыяны кошкем нылпиосыз сярысь сюлмаськыса. Чалякгес дораз пырон понна нылкышно бакча ыбессэ но ворсаны вунэтӥ з. Кышномурт пичи дырысеныз гудыръяса зоремлэсь кышка. Тӥ ни ук, отын, урам пумын, инмысен музъемозь ик тӧ дьы вирсэр кадь чилектэм васькиз. Озьыен, ӝ оген гудыртоз. Корказь ӧ с кутон борды кырмиськыса гинэ вуиз, кужмо гудыртэм Валялэн йырбераз ик шуккиз кадь.

«Осто, Инмаре, уть», — кышномурт бызьыса корка пыриз. Йырысьтыз кышетсэ азьлань керттӥ з, ассэ кирос кариз, куазь гудыръяку, песяйзы малы ке озьы косэ вал. Чилекъямез медаз адӟ ы шуыса, укноысь штораосыз кысказ. Собере висъетаз пыриз но валес вылэ выдӥ з. Синъёссэ кыниз, пельёссэ ворсаз. Кыӵ е кышка со гудыръямлэсь, пичи дырысеныз, бусые эшъёсыныз но Миша выныныз кӧ жы сиыны ветлэмзы дырысен…

* * *

Валялы сизьым арес, вынызлы — куинь. Пӧ сь гужем нуналъёс. Анай-атай ужын, дорын песяй гинэ. Кузьымгурт кенак — тазьы шуо гуртын Валялэсь песяйзэ — соосыз яратэ ке но, маза уг сётылы: ужатэ но, тышкаське но, мултэс ческыт сиёнлэсь но алэ. Арнянуналэ табань пыжо ке, песяйзы шуэ: «Буш кӧ тады вӧ ямтэ табань но ческыт кошкоз, тырон азяз гинэ огзэ-кыксэ вӧ яло ай». Валя сыӵ е дыръя анаез шоры паймыса учке, малы табанез вӧ яны уг яра, сандыкын сомында ӵ ыжтэм вӧ й вань дыръя? Анайзы песяйзылы пумит кыл вераны уг дӥ сьты. Ма, табань зэмзэ но ческыт кошке озьы но…

Тани туннэ ӵ укна но песяйзы сэндрае табапудэн кока ни:

— Ӟ ольгыриос, султэ ни! Валя, Миша, куазь нуназе кадь пӧ сь ӧ вӧ л ай, мынэ картофкаез уре. Ӝ ӧ к вылын аръян, нянь вань, сиське но потэ.

— Мон Мишаез утисько ук, — нукыртћз Валя.

— Со ас понназ но умой шудэ, — шуиз песяй.

Мар карод, потытэк амал ӧ вӧ л. Ӝ ыны чурез уремез бере Валялэн бакчаысь пегӟ емез потыны кутскиз. Вынызлы огназ мӧ змыт, со апаез борды итӥ ське: «Мон но, мон но ужало! » Озьы кык чур картофкаез жуг-жаглэсь уризы. Валялы ӝ ыны нунал ортчиз ни кадь потэ. Жадиз но, сюэз но куасьмиз ни, шунды но ялан золгес пыжыны ӧ дъяз. Валя бакча ыбес пала учкиз: «Малы песяй сиськыны уг ӧ тьы на?.. »

— Валя, ойдо кӧ жы бичаны, — бакчалэн мукет пал пумысьтыз кеськем куара кылӥ ськиз.

Нылаш нюк дурысь эшезлэсь тӧ дьы йырзэ адӟ из. Таня Аркаш выныныз но Павлик бускеленызы Варӟ и дурысь бусые кӧ жы сиыны мыно.

— Монэ песяй уз лэзьы, картофка, пе, уроно, Мишаез но учконо, — пумитъяське нылаш, нош аслаз сюлмыз эшъёсыз сьӧ ры улляське.

— Тон песяедлы эн вера. Асьмеос кема ум улэ, Мишиктэ сьӧ рад кут, — лӧ пкытъя Таня.

— Нош кӧ жы бусыысь адӟ изы ке, лушкасько шуозы, — Мишазэ китӥ з кыскыса но эшъёсыз пала мыныса шуэ Валя.

— Мар тон весь курдаськод, кин ке юаз ке, ӟ азег утчаськом шуом, ойдо ни, — дыртытэ Таня.

Со куспын Аркаш шултӥ з:

— Валя, песяйды бакчае потэ, ойдо чалякгес пегӟ ом!

Пичиос бакча пумысь нюке васькизы но бызьыса выж доры кошкизы. Миша, бадӟ ымъёс сьӧ ры уг вуы шуыса, Валя сое тыбыраз котомкаез сямен ныпъяз.

Варӟ и шур дуре шок-пуль шокаса вуизы. Выж вамен потӥ зы но кӧ жы бамалэ тубизы. М-м, кӧ жылэн самой ческыт дырыз: небыт, кушаськод но йӧ лыз потэ кадь. Вож пуртэсын соос весь кадь чиляло. Пичи Миша выдыса ик кӧ жы сие. Валяен Танялэн кӧ тсы тыриз ини: зангари сяська бичало, нош Аркашен Павлик, возь вылэ васькыса, ӟ озъёсты уйыло. Шудон котыразы пиналъёс шундылэсь ышемзэ соку ик ӧ з валалэ. Шуак олокытысь тӧ л пельтӥ з но Валялэсь кышетсэ йырысьтыз ишкалтӥ з. Нылпиос вылӥ е учкизы. Булда нюлэс палась сьӧ д-сьӧ д пилем утыр йыр вадьсазы вуиз.

— Ой, али зороз, бызим доре! — кеськиз Таня.

Нылаш бамалысь питран кадь васькиз, Павликен Аркаш сюрес кузя гурт пала бызё ни. Валя кышетсэ керттӥ з но, Мишаез китӥ з кутыса, азьлань валтӥ з. Выж доры вуыкузы, инбамын ыбем кадь гудыртӥ з. Поръясь тӧ л сюрес вылысь тузонэз вылӥ е ӝ утӥ з но ӧ ч карыса кадь Валялэн ымныраз пазьгиз. Котыр дунне пожаськиз, кожалод. Пичи Миша кык киосыныз ик апаезлэн чыртыяз бинялскиз, йырзэ Валялэн пельпумаз ватӥ з:

— Апай, мон курдасько!

Валя вынзэ буйгатыса ӧ з вутты, секыт зор шапыкъёс вылазы усизы: огез, кыкез, куинез… Собере ведра дурын кадь кисьтыны ӧ дъяз. Валяез эшъёсызлэсь зорлэсь борддор люкыны выриз кадь. Соосыз зорлэсь ватскизы парсь гид дорысь утор* вӧ зы пуктэм лапас улэ. Кытӥ ке ӧ вӧ л йыр вадьсазы ик кужмо гудыртӥ з. Миша черектӥ ськыса бӧ рдыны кутскиз. Валя куалектэменыз вынзэ ӧ жыт гинэ ӧ з уськыты, но курдамзэ Мишалы возьматыны ӧ з дӥ сьты.

— Тӥ ни отын бадӟ ым лулпу будэ, асьмеос со улэ зорлэсь ватском, — выныз мед кылоз шуыса, зол-зол вераз Валя.

Нош аслаз чаляк мынэмез уг луы, пыд улын сюрес маял кадь дэриӟ из. Писпу дорозь ог дасо вамыш кылиз на вал, Валя гылӟ из, пыдысьтыз колошаез азьпала лобиз. Нылаш дэриысь пыдкуксэ утчатозь, инмын нош чилектӥ з. Тӧ дьы си пересь лулпуэз пудоез сюлоен шуккем кадь сализ. Валялэн ноку но адӟ емез ӧ й вал на, кызьы писпуэ ӵ ашъе. Лулпу марзэ-созэ ик валаса ӧ з вутты кадь. Кыӵ е ке пери кужым пушказ пыриз но сое сэзъялтӥ з, шори пилиз, сулзэ сэрпалляз кадь. Шокчем сямен, писпу пушкысь улон ӵ ынэн валче потӥ з но зор пушкы сылмиз, кожалод. Миша чир! черекъяса бӧ рдыны кутскиз. Валя, вынызлэсь ымнырзэ ас палаз ватыса, бордаз ӟ ыгыртӥ з. Нош куазь чилекъя, гудыръя, зоре. Колошаен йырин ӧ й вал ни. Валя сюрес дурысь ӟ ег бусые пыриз но выныныз валче отчы уськытӥ ськиз. Куалектэм нылаш вынзэ тыбыраз дугдылытэк веша:

— Миша, эн курда. Миша, тани зор дугдоз…

Нош аслаз — кынмеменыз-а, курдаменыз-а — быдэс мугорыз куалекъя. «Милемыз но али ӵ ашйиз ке, анаен атай уз но шедьтэ, кулӥ м шуыса уз но тодэ… Малы дорысь пегӟ оно вал, ваньмыз понна мон янгыш», — ассэ тышкаськиз Валя.

Кӧ ня озьы кыллизы, ӧ йтӧ д, Валялы зор ноку уз дугды ни кадь потэ. Но тани сьӧ д пилемъёс сьӧ рысь шунды пальыштӥ з но котыр улосэз югдытӥ з, азьлолэсь но яркыт луиз, оло. Ӟ ег бусы инӟ ыен кисьтаськем кадь чиля. Валя йырзэ ӝ утӥ з, ӵ ашъем лулпуэз адӟ ыса, сюлмаз выльысен кышкан каръяськиз: нош ми со улэ ватскысалмы ке… Валя ал вылаз пукись вынзэ султытыны выре, нош соиз синъёссэ уг усьты, йырыныз гинэ шона.

— Миша, ойдо доре бертом, ачим тыныд выжыкыл верало, — вынзэ лӥ ятэ Валя.

— Ойдо бертом, песяйлэн чумерен шыдэз пӧ зиз, ни, дыр, — апаезлэн тыбыраз ныпъяськиз выныз.

«Ярам коть, могась ӧ з кыльы», — Мишаез пыдъёстӥ з кутыса малпаз Валя. Сюрес вылысь киргам колошазэ кутчаса, нылаш выныныз дор палазы вамыштӥ з. Урамтӥ ӧ з, бакча беръёстӥ, Опойошмес дуртӥ бертӥ зы. Кык котмем но дэриӟ ем комокъёс сад вамен доразы вамыштӥ зы. Улмопу улэ пуктэм тазын, зор вуын, пыдъёссэс миськизы но шыпак гинэ кеносэ пыризы.

— Шыд сиыны ум пыре-а, песяй тышкаськоз шуыса курдаськод-а? — апаезлэсь юа Миша.

— Анай ужысь бертӥ з ке, пыром, ява, — вынызлэсь кот дӥ ськутсэ куштыса шуэ Валя. Ачиз но сачырмем дэремзэ кылиз но анаезлэсь сюрые ошем удмурт дэремзэ дӥ сяз. Жадем пиналъёс кеносысь валес вылэ выдӥ зы. Татын гужем умой: пеймыт, шыпыт, бадӟ ым тушаке шорозяз ик выйыса изёно. Валяен Миша но салькак умме усизы. Ӧ з кылэ анай-атайзылэсь бертэмзэс но, соосыз утчамзэс но…

* * *

Со учыр дырысен Валялы Миша весь жаль потэ вал. Туж жаль потӥ з, куке выныз вуоно гужемаз секыт черлаз. Ӵ ӧ ж сиёнлы шур дуре васькизы, нош бертыкузы Миша ӟ игартэм вамышъяз ни. Мугорыз ӟ ырдаз. Песяйзы пичизэ шунды шуккиз кожаз. «Картузтэк ветлӥ ськод но, пӧ сь йӧ тӥ з яке кезьыт ву юид, дыр. Я, ортчоз», — оло тышкаськиз, оло буйгатӥ з Кузьымгурт кенак.

Пияшлэн ӟ ырдамез ӧ з ортчы. Ӝ ытазе Миша быректэм самовар кадь вал ни. Ньылоныз куректэ, мугорыз жугем кадь висе, вылаз ик, ымныраз горд виштыос кылдӥ зы. Кузьымгурт кенак куалаязы потӥ з но кияз куасьтэм бакакуарен, беризь сяськаен но кӧ ня ке быртык шуэн пыриз. Ваньзэ огинэ париз но, йӧ лын сураса, Мишалы сётӥ з. Валялы Мишаез жаль потэ, вӧ заз пуксе но пӧ сь кымес вылаз салкым кизэ понэ. Но ужысь бертэм анаез нылзэ улляз: эшшо ке, пе, через тыныд палалоз. Со уй Валялы туж кема кыстӥ ськиз кадь потӥ з. Ӵ укнаяз анаез но атаез Мишаез валэн уробоен Голюшурмае больницае нуизы. Пичи пилэн вераськыны но, пукыны но ӟ игарыз ӧ й вал. Эмчи учкиз но Дуня апаез тышкаськиз:

— Пидылэн скарлатина, малы черламез бере ик больницае ӧ д вае?

— Толон ӝ ытазе висьыны кутскиз, — валэктыны ӧ дъяз вал Дуня апай, но тӧ дьы халатэн кышномурт куспетӥ кариз.

— Эн алдаське, пиды кык-куинь нунал висе ни, мон адӟ исько ук, — кагазэ маке гожъяса шуиз эмчи.

Дуня апай ӧ з каршы, малпаз: «Мытылод но, воксё уз эмъялэ…»

Мишаез палатае огназэ кельтӥ зы. Пияла ӧ сэз мукет палтӥ з ворсазы. Дуня апай тӧ дьы шобрет улын кыллись тэшкылиез шоры мусо учкыны выриз. «Тонэ татын йӧ натозы, пие, мон ӝ оген лыкто, ява», — куаразэ бадӟ ым поттытэк гинэ, оло аслыз, оло пиезлы вераз анай. Миша синъёссэ вошъятэк учкиз мумиз шоры. «Мынэсьтым бӧ рдэмме адӟ из ке, ӝ ожомоз, кышкалоз», — малпаз Дуня апай. Ассэ кужмысь улляз ӧ с дорысь. Соку ик тыбырыныз шӧ дӥ з, кызьы Миша валес вылысь султӥ з но ӧ с борды йыгаськыса бӧ рдыны кутскиз. Анай берыктӥ ськыны медэ ни вал, медсестра улляз: «Мынэ, эн бугыръялэ сюлэмзэ, ачим буйгато».

Куинь нунал Дуня апай кытчы пырон инты шедьтытэк ветлэ ни. Миша понна куректэ: кызьы меда йӧ нато, шораз черекъяло-а, лякыт верасько-а, сиське-а, висёнзэ ворме-а, уг-а? Валя но Мишалэсь туж мӧ зме. Со анайзэ Голюшурмае ӧ те: «Анай, ойдо Мишаез чаклалом, курегпуз пӧ зьтыса нуом». Дуня апай уж бере ни шекера пыжиз, вить курегпуз пӧ зьтӥ з, аръян кутӥ зы на, озьы пыдын Голюшурмае кыкназы вамыштӥ зы. Кузь сюресэз чаляк ортчизы, сюлэмзы пичи адями доры дыртӥ з. Но Миша доры соосты пырыны ӧ з лэзе. Врач шуиз:

— Эн ик ёртэ, уг лэзьы. Соку, тӥ кошкем бере, кык нунал бӧ рдӥ з. Саламдэс вае, нош асьтэдыз уг лэзьы. Солэн висёнэз но палаське ук, соин палатаын огназэ возиськом. Пидылы капчигес ини, ӟ ырдамез но ортчиз, сиське но ни. Арня ортчыса, дорады лэзём, оло.

Дуня апай эмчиен ӧ з споръяськы, пизэ гинэ мед йӧ натозы. Но зарни комоксэ адӟ ытэк кошкыны ӧ з ӵ ыды. Соос больницаез мукет палтӥ з котыртӥ зы но котькуд укное лушкем учкылӥ зы. Тани одӥ газ укное Валя но кечырскиз. Выж вылын курегпуз сиыса пукись вынзэ адӟ из.

— Анай, чаль, тӥ ни Мишамы, — мумизлы киыныз шонтӥ з со.

Дуня апай укно борды ик кариськиз. Миша кышетэ бинялтэм саламез пертчем. Пал кияз — шекера, мукетаз — курегпуз. Нуш! гинэ кушаса, выж вылын пуке. Макем мусо но огдыре жаль адӟ иське пичи комок. Но тани, кинлэсь ке учкемзэ шӧ дыса кадь, пияш йырзэ укно пала ӝ утӥ з. Курень синъёс нырысь паймыса, собере шумпотыса учкизы анаез но апаез шоры. Миша сиськонзэ ик вунэтӥ з. Но тани ымдуръёсыз шуак пеперскизы, синъёсыз синкылиен пачылмизы но, тэшкыли ӝ ожомыса ик бӧ рдыны кутскиз. Киысьтыз курегпузэз выж вылтӥ питыраса кошкиз, сиёнэн йырин ӧ й вал ни. Дуня апай Валяез китӥ з кыскиз но, больница дорысь соос бызьыса пегӟ изы. Сьӧ разы кин ке уйиськиз, кожалод, лушкаськисьёс кадь, мышсэс учкытэк лобатӥ зы. Вить иськемез ик Валя но, Дуня апай но бӧ рдыса вамышъязы…

Арня ортчыса, Миша дораз бертӥ з. Оло мӧ змеменыз, оло урод чакламенызы тэшкыли больницаын тэйӟ ем. Валя солэсь йырсизэ песятайзылэн лэсьтэм пу йыр сынэныз сыналляз. Нош песяйзы, люгы выжыен чеснокез парыса но сое етӥ н вӧ йын сураса, пилэн йыраз зыраз. Миша кык нунал ныл сямен кышетэн ветлӥ з. Собере йырзэ чырсэн (кузятэм вуэн) миськизы, со ик эмез-юмез луиз.

Мишаен Валя сэндрае изьыны выдо но, выныз апаезлы больницаын кыллемез сярысь вера.

— Отын миндэръёссы но асьмелэн кадь ӧ вӧ л. Тӧ дьы бӧ з вылын горд кирос вуремын.

— Бӧ рдыса улӥ д-а? — жаля сое Валя.

— Трос ӧ й бӧ рды. Мон чебер кырӟ ан кылћ, весь сое кырӟ аса улћ.

— Кыӵ е?

— Анае гурзэ эстэм, дыр, но…

— Курдад-а бон?

— Огпол гинэ. Ӝ ыт соку гудыръяса зо-о-л зориз. Мон сыӵ е кышкай, али та бадӟ ым укное ӵ ашъёз, малпай. Зол бӧ рдыны кутски. Соку ӧ с доры Катя апай лыктӥ з, тӧ дьы халатэн эмъюм сёткась апай, со мыным шуиз: «Миши, эн курда, мон татчы, ӧ с сьӧ ры, выж вылэ выдо, весь вӧ зад луо». Мон пияла ӧ с доры лыктӥ но адӟ и: Катя апай чынзэ ик выж вылэ шобрет куштӥ з но выдӥ з. Мон но, аслэсьтым шобретме ӧ с доры куштыса, выж вылэ выдӥ. Куазь гудыртэ но, мон юасько: «Катя апай, тон татын-а? » Со шуэ: «Татын мон, пие, изь…» Быдэс уй озьы вераськыса изим…

«Ярам ай, больницаын сыӵ е умой Катя апай ужа», — умме усёнъяз малпаз Валя.

* * *

Валя, Асан техникумез йылпумъяса, практиказэ Кизнер ёросын ортчиз. Егит нылэз отчы ик ужаны ӧ тизы. Отын ик со ас парзэ шедьтӥ з: бызиз, нылпи вайиз. Но семья шудэз кема ӧ з кыстӥ ськы: кызь куать аресъем картэз шудтэм учыре шедьыса кулӥ з. Валя кузпалызлэн дораз мурт луиз. Озьы со тол куазен, ас гуртаз капчигес луоз шуыса, пичи нылпиосыныз ӵ ош дораз бертӥ з. Миша кык юртын ужаз: дорзэ но учкиз, Валялэсь юртъерзэ но лэсьтӥ з-котыртӥ з.

Мишалэн аслаз семьяез ӧ й вал. Солэн огъёзъёсыз кышнояськылыны кутскем бере анаез сюлэмшугзэ пиезлы вералляз ке но, Миша серекъялляз гинэ: «Мыным дас тямыс гинэ ай, кышно луонэ вордӥ ськымтэ на». Пиосмурт фермаын ужаз. Со атаез кадь котькыӵ е уж борды кутске но быдэстэ вал. «Мон тае уг лэсьты, уг поты, секыт» ӧ з шуылы. Но атаез вина ӧ з юы, тамак ӧ з кыскы ке, Миша созэ но, тазэ но умой быгатылӥ з. Котькуд кудӟ емез бере Дуня апай пизэ визьма вал:

— Миша, мар таӵ е аракыез яратӥ сь луид тон? Со ведь ӟ енеликын гинэ шыпыт пуке, нош адями пушкы сюре ке, востэмзэ но шаплы каре, визьмозэ но шузимытэ. Вина нокинэ ӟ ече вуттымтэ на…

Сыӵ е дыръя пиез шуоз вал:

— Анай, мон гинэ-а, мар-а юисько, ӵ ем уг ук, жадем вылэ гинэ.

Озьы-а, тазьы-а но, солэсь золгес юись эшъёсыз но кузпалъяськизы, нош со огназ улӥ з.

Гуртын ӵ ем дыръя ог-огзы шоры кушем нимын вазьыло. Мишаез но кин ке атай нимызъя «Ильич» шуылӥ з, куд-огез — «Фазан». Фермаысь бертыкуз, куазь гудыръяса зорыны кутскем. Миша, йырзэ азьлань мыкыртыса ик, дор палаз чаляк бызе, пе. Эшъёсыз мышказ кылиллям, соку кин ке шуэм: «Учке ай, учке, Ильич фазан кадь бызе». Озьы Миша фазан луиз, нош вал-а меда гуртоослэн фазанэз адӟ емзы — соиз ини мукет юан… Но егит калык но нылкышноос, ма, фермаен кивалтӥ сь но, сое «Дядяй» шуылӥ зы. Пудо вандоно-а, перевеска ортчытоно-а, скалъёслэсь гижызэс вакчиятоно — котькытын Миша вал.

«Дядяйдытэк мар ужасалды ни…» яке «Кошке ай, дядяйды возьматоз, кызьы кароно…» яке «Дышетске дядяйды вань дыръя…» — весь тазьы шоккетылӥ з. Калык пӧ лын серекъяса, маскаръяськыса вераськиз, пальыштыкъёс мадьылӥ з, пичиосты бичатыны-вешаны яратылӥ з. Серекъялляз ке но, синъёсыз мӧ змыт учкылӥ зы. Нокин адӟ ымтэ дыръя тусыз ӝ оже усем пиналлэн кадь луэ вал. Сюлмаськонъёссэ пушказ воземеныз-а, бадӟ ым коркан огназ (анай-атаез кулэм бере) улэменыз-а, Миша больницае сюриз. «Инфаркт», — шуизы врачъёс.

Валялы выныз жаль потэ вал. Огпол, Миша доры больницае мыныкуз, сое чиган кышно дугдытӥ з:

— Ӟ ечоке, чебере, вай сю манеттэ, ваньзэ шонерзэ верало, азьлозэ но, ализэ но, луонозэ но.

— Азьлозэ ачим но тодӥ сько, вуонозэ тодэм уг пот, нош али мынам ваньмыз умой, — чиган кышнолэсь палэнскыса шуиз Валя.

— Тутэ, нанэ?! — йырыныз сэзъя чиган. — Эн алдаськы, воргорон доры лыктӥ ськод, висе со, но со картэд ӧ вӧ л — ӵ ыжы-выжыед… Киям сю манет пон, ваньзэ верало…

— Ӧ вӧ л уксёе, — чиганлэн синмаз ик нырысьсэ учкиз Валя. Чагыр но сьӧ д синъёс ваче мертчиськизы. Чиган кышно акыльтыса кадь йырыныз шонтӥ з:

— Зарниед но ӧ вӧ л, уксёед но ӧ вӧ л… Йӧ налоз висисед. Но огназ секыт солы, семьяен улэмез потэ. Сӧ риллям сое, медаз кышнояськы шуыса. Азбарады чабеез сямен векчи уксё пазьгиллям, нош со аслаз усьылэм кожаса бичам… Эх, жаль, умой адями со, но шудтэм… Мон гинэ юрттыны быгато, ойдо дорады, — Валялэсь кизэ кутыса шуэ арлыдо чиган кышно.

Кезьыт чиньыос бордаз йӧ тскемысь Валя шуак луиз: «Мар мон чиганлэсь верамзэ кылзыса сылӥ сько, со оломар но вералоз». Нылкышно чиганэз донгиз но чаляк больница пала вамыштӥ з.

— Ӧ д ке тупаты, пайдаез уз луы, ӵ ыжы-выжыед пуны сямен кулоз, — бӧ рсяз кесяськыса кылиз чиган кышно…

Сюлмыныз больницаын кема кыллемез бере Миша юонзэ но, кысконзэ но куштӥ з вал. Солы ВТЭК комиссия кыкетӥ группа сётӥ з. Кык ар ортчыса, нош ик больницаын кыллёно, дуно обследованиос ортчоно но выльысен комиссия пыр потоно вал. Ижысь кардиолог соку Мишалы шуиз:

— Тӥ ледлы секыт ужаны но, кынмаса висьыны но уг яра, сюлэмды курадӟ е. Кардиограммады умой ик ӧ вӧ л. Юртъер котырады каньылля бергалэ, асьтэдыз чакласа ужалэ, сиське, эмъюм котькуд нунал юэ, нош тамак кыскыны чик уг яра, курытэз сярысь тожо вунэтэ… улэмды потэ ке.

Тани нош ик ВТЭК комиссия люкаськиз. Черодэз вуыса, Миша но эмчиос доры пыриз. Врачъёс солэн тазалыкез но эмъяськемез сярысь юалляськизы, вань ужкагазъёсты учкизы.

— Тӥ ВТЭК-е нырысьсэ уд лыктӥ ське, малы тазалыктэс эскеремдылэн пайдаез ӧ вӧ л? — юаз эмчи.

— Кызьы ӧ вӧ л, мон валлян гинэ Ижысь больницаын вал, УЗИ но соку ик лэсьтӥ зы, анализ басьтӥ зы, — паймиз Миша.

— Соос карточкаяды ӧ вӧ л, — вожез потыны кутскиз эмчилэн.

— Ма, кызьы ӧ вӧ л, врач соосты отчы лякиз вал, — пӧ секъяны кутскиз пиосмурт.

Соку мукетыз эмчи куаретӥ з:

— Татын керетыса улонэз ӧ вӧ л, коридорын трос висисьёс черодзэс витё на. Комиссилы дасяськыса ӧ д вуттэ ке, озьы ик вералэ, мукет дыръя группа курыны лыктоды. Нош тани мынам ки улам электрокардиограммады, соя вераны луэ: таӵ е сюлэмын но адямиос уло, ужало…

Кин но малы ишкалтэм висисьлэн карточкаысьтыз лякем анализъёсты? Ӧ йтӧ д. Миша утчаськыса но, кыл юаса но ӧ з ветлы. «Кӧ ня улӥ, уло, группа курыса ӧ й ветлы, уг но ветлы», — малпаз пиосмурт.

* * *

Миша ужаны мыныкуз но, ужысь бертыкуз но, апаез доры пыра вал. Валя озьы куриз. Выныз доразы сиське, оген сиён ческыт уг кошкы ук. Валя сьӧ раз но пыжиськыса лэзе вал. Но тани кык нунал Миша апаез доры ӧ з пыра ни. Курытсэ ӟ узе ке, Валяос доры уг пыра, апаез медаз тышкаськы шуыса, ужысь но мукет ураметӥ берта. «Юыны кутскиз, дыр, — малпаз кышномурт. — Маин бон ӟ изтэ меда, уждун ӧ з сёткалэ на ай, фермаысь пудо сиён вузаса ке шат? Дораз ветлоно, чаклано. Курытсэ юэ, тамаксэ пурккетэ, нош сиськыны уг сиськы, дыр».

Валя вордскем юртаз вамыштӥ з. Корказь ӧ с бордын тунгон ошемын. Кышномурт тодэ, кытын усьтон кылле. Корка пыремез бере нырысь ик син шораз йӧ тӥ зы укно дурын но ӝ ӧ к вылын сылӥ сь гераньёс. Соос куасьмиллям. Миша ву кисьтамтэ, кык нунал бертамтэ ни шат? Вынызлэн кисыысьтыз тамакез уг усьылы. Арня шорын Миша куаретӥ з вал, куинь пачка тамак басьтоз шуыса. Валя гур пельпум вылэ учкиз, тылпоттонэн артэ кык пачка тамак кылле… «Бертамтэ, соин мар ке луиз ик, дыр», — сюлмыз шуг луиз Валялэн. Гераньёсын йырин ӧ й вал ни, нылкышно вынзэ утчаны потӥ з. Нырысь вань юртъерез учкиз. Кеносын шутэтске, оло? Ӧ вӧ л. Коргид сиге тубем яке бакча берын кудӟ ыса изе, оло? Ӧ вӧ л. Бускельёслэсь юаськиз. Соосыз кык ӝ ыт корказ тылыз ӧ з ӝ уа ни, шуизы.

Валя гурт кузя кошкиз. Куштӥ ськем юртъёсы пыраз, кытын ке эшъёсыныз юиллям но, отчы изьыса кылем кожаса. Ошмес дуръёстӥ, нюкъёстӥ утчаськиз. Кышномурт ӝ ыны гуртэз котыртӥ з ни кадь. Бускель урамтӥ ортчыкуз, ачиз но валатэк, Бачак Лёгоръёслэн корка доразы дугдӥ з. Капка гозыямын, озьыен, доразы нокин ӧ вӧ л.

Оло пӧ сь шундылэсь, оло сюлмаськемезлэсь нылкышнолэн йырыз пильыны ӧ дъяз. «Бертыса чай юоно, огшап шутэтсконо но, выльысь утчаськыны потоно», — тазьы малпаса, кышномурт дор палаз кожиз.

— Валя апай, Дядяез утчаськод-а? — пиосмурт куара сое малпаськон ӧ рысьтыз поттӥ з. Валя йырзэ ӝ утӥ з. Фермаын ужась Витя вазе вылэм.

— Шедьтӥ д-а?

Кышномурт йырыныз гинэ шоназ но капка азяз кожиз. Корка пыриз, чайник пуктӥ з но диван вылэ пуксиз. Кӧ ня со озьы ас югдаз усьыса пукиз, ӧ йтӧ д. Плита вылын быректэм чайник шуланы кутскем бере гинэ нылкышно сайкиськиз кадь. Плитаез кысӥ з но, ӧ сэтӥ пырись луиз.

— Валя апай, вай сю граммдэ, мон Дядяез шедьтӥ, — шок-пуль куаретӥ з Витя.

— Улэп-а? — шыпытак гинэ юаз Валя.

— Ӧ вӧ л.

— Кытын? — сюлэмыз борды кутӥ ськыса юаз Валя.

— Бачакъёслэн гидкуазязы.

Валя йырзэ ӝ утӥ з:

— Кызьы озьы, соослэн капказы урам палтӥ гозыямын вал ук.

Кышномурт мырдэм султӥ з но кышетсэ керттӥ з.

— Валя апай, огнад эн мыны, эн учкы, — алыны выриз Витя.

— Ас синъёсыным ӧ й адӟ ы ке, уг оскы, — шуиз но ураме потӥ з.

Валя чаляк-чаляк вамыштыны тырше, но пыдъёсыз уг кылзӥ сько. Сюлмыз сыӵ е зол йыгаське, аслаз пеляз ик шуккиське кадь: тук-тук! тук-тук! тук-тук!

Тани со Бачакъёслэн корка азязы вуиз. Мур шокчиз но капкаез усьтӥ з. Соку ик азбаре ӧ з пыры, котырак учкиз. Тани — корказь, гидкуазь шорын машина сылэ, отӥ язгес — мунчо, вӧ заз — гид, капкалэн мукет пал пумаз — лапас, солэн ӧ сэз ӟ убис усьтэмын.

— Миша, тон татын-а? — зол-зол куаретӥ з Валя.

Пумитаз вазись ӧ з луы. Валя пу лапас пала вамыштӥ з. Ӧ сэз вӧ лак усьтӥ з. Ӝ омо-югдо лапас улэ шунды пыриз. Музъем вылын, одӥ г пыдзэ куасалтыса но мешок вылэ пыкъяськыса, выныз пуке.

— Осто, Миша, татчы умме усид-а, мар-а? — ки бордаз йӧ тскиз Валя.

Йӧ тскиз но куаляк луиз. Куазь пӧ сь, нош выныз йӧ кадь кезьыт. Пиосмуртлэн синъёсыз кынемын, кыдёкысен изе кадь ик адӟ иське. Пыд дораз бушатымтэ ӟ енелик, уно тамак пумъёс. Нош ымныраз… кутъёс пуксиллям…

Валя уг тоды ни, кӧ ня со озьы мурт азбарын сылӥ з, кулэм выныз шоры учкыса. Ӧ з вала, кытысь вуизы полиция, ӵ ыжы-выжыосыз. Следователь Мишаез но, котырысьтыз арбериосыз но вырӟ ытыны ӧ з лэзьы, ӵ указе татысен ик морге нуоды, пе.

Кошкыкуз ини Валя вынызлы лушкем гинэ куаретӥ з:

— Миша, простить кар, соку ик ӧ й шедьты шуыса. Простить кар, татчы кельтӥ сько, берпум уйдэ вордскем коркад уд ортчытӥ ськы шуыса…

* * *

Валя ӧ сэтӥ мырдэм пыриз. Нылыз анаез шоры учкиз. Секыт кайгу пельпумъёссэ ик пачкатэм кадь, синъёсыз жугем пунылэн кадесь. Сомында отын вӧ сез. Шонер шуо: шуд лобӟ ыса лыктэ, куректон гыж вуэ. Валя диван вылэ пуксиз, йырысьтыз кышетэз пельпум вылаз, собере выж вылэ гылӟ из. Нылыз шоры учкиз но дырекъясь ымдуръёсын куаретӥ з:

— Следователь виемын, дыр, шуиз… Кызьы сое мурт гидкуазе кельтӥ ллям, эшшо капкаез урам палтӥ гозыяллям. Медаз шедьтэ шуыса, дыр: сисьмиз ке, уз тодэ ук, мар луиз…

Света анайзэ ӟ ыгыртӥ з:

— Озьы эн малпа. Вина юыса пукизы ке, солэн сюлмыз кырмиз, дыр, юлтошъёсыз курдазы но пегӟ изы. Уз вие, кызьы адямиез виёд, мар понна? Солэн уксёез но ӧ й вал… Асьмелы сяна, со нокинлы кулэ но ӧ й вал…

Та кылъёс бере Валялэн пушказ комокен кугӟ ам куректонэз кыре потӥ з. Со та дырозь бӧ рдыны но ӧ з быгаты. Сюлмыз пилиськыны дась, нош синвуэз уг поты. Нылызлэн кылъёсыз бере бӧ рдонэз урен-вирен тырем пӧ ськы сямен пӧ сьтӥ з.

— Адями дунне вылэ шудо луыны, кинэ ке шудо карыны лыктэ. Нош Миша мар шудэз адӟ из? Со карт ӧ з луы, выль кенэн сюан ӝ ӧ к сьӧ рын ӧ з пукы. Атай но ӧ з луы, вордэм нылпизэ кияз ӧ з куты. Песятай я ӵ ужатай ӧ з луы, нуныкайёссэ ӧ з веша. Ӧ з эркия, ӧ з ӟ ыгыръя, ӧ з яраты. Вордӥ ськиз, ужаз, ужаз, вина юиз но кулӥ з. Кин ке шуоз, тордос кулӥ з, нокинлы нокыӵ е уз поты. Нош мынам быдэс мугоры лурккетэ со вӧ сьлэсь, сыӵ е жаль потэ, кулыны но шуд кулэ вылэм ай…

Валя кыласа-бураса бӧ рдӥ з. Нылыз номыр ӧ з вера, анайзэ пичи муртэ сямен ӟ ыгыртӥ з но йырзэ маялляса пукиз. Соос кыкнаы но бӧ рдӥ зы, угось матысь адямизы берытсконтэм вылысь номыр вератэк кошкиз… пуны сямен огназ… кулӥ з, соку чиган шонер верам вылэм…

Мишаез ватыны туж трос калык люкаськиз. Валя ас понназ котькудӥ злы тау кариз, солэсь кайгузэ люкыны лыктэмзы понна. Черке ветлӥ сь арлыдо кышномурт соку шуиз:

— Валя, али нокыӵ е кылъёс куректондэ уз буйгатэ. Но учкы ай, кӧ ня адями Мишаез келяны лыктӥ з. Алама адями доры озьы уз вуэ. Миша урод адями ӧ й вал. Вордскем юртсэ но чылкыт возиз, тамакен умме усьыса, пень вылэ ӧ з кельты. Калыкен уродъяськыса, йӧ нтэмъяськыса ӧ з ветлы. Бон жаль ини. Но асьмеос ум тодӥ ське ук, оло, озьы кулэменыз со ас сьӧ лыкъёссэ быдтӥ з. Валя, вӧ сяськы, солэн лулыз али дэрие усем вож нуны кадь. Бӧ рдэ, но султэмез уг луы, юрттэт курыны куараез но уг поты. Вӧ сяськид ке, тон со нунылы султыны кидэ сётод, Инмар солэсь сьӧ лыкъёссэ простить мед кароз шуыса…

Шайвылысен ини, гузэ ӵ октам бере, кытын ке зол гудыртӥ з. Валя куаляк луиз. Куазь но шундыё, пилемез но одӥ г-кык гинэ кадь, кисьтыса зороз ни меда? Ӧ з, каллен-каллен гинэ кыдыраса зорыны кутскиз. «Мишалэсь ветлэм пытьызэ гылтэ ни», — малпаз кышномурт. Гурт пуме вуыкузы ини, зор кызьы шӧ дтэк шорысь кутскиз, озьы ик чутрак дугдӥ з. Валя, эшшо огпол берыктӥ ськыса, шай пала учкиз. Табере соос ваньзы артэ: анаез, атаез но выныз…

* * *

Дыр уг йӧ наты, ваньмыз со — пӧ яськон. Сизьым ар ортчиз ини Миша кулэм дырысен, нош Валялэн сюлмыз али но уг буйга. Со котькуд нунал тодаз вае вынзэ, али но озьы ик жаль потэ Мишаез.

— Ӵ ужай, ми сомында боры вайим, адӟ ы, — нуныкаезлэн жингрес ваземез Валяез малпаськон ӧ рысьтыз поттӥ з.

Со висъетысьтыз потӥ з. Йырысьтыз кышетсэ пертчиз но, ымнырзэ ӵ ушылӥ з, семьяосыз бӧ рдэмзэ медаз адӟ е шуыса, ымнырзэ ӵ ушылӥ з. Валя, тодэ ваён дуннее вуыса, ӧ з ик вала зорлэсь дугдэмзэ.

— Тӥ ӧ д котме шат? — штораосты усьянъяз юаз со нуныкаезлэсь.

— Ӧ м, ми Булда нюлэс сьӧ рын борыям, нош пилемъёс Кам пала кошкизы, татын зол зорем, о-о, — ымыз уг ворсаськы пияшлэн.

Валя укное учкиз. Урамын шунды пиштэ ни. Эшъёссылэсь бере кылем кык-куинь зор шапыкъёс гинэ пияла вылтӥ гызмыльтыса васько на. Парси бамал сьӧ рысь потэм буёло карнан инме ик сузьтӥ ськем. Вуюисез адӟ ыса, Валялэн тодаз лыктӥ з вынызлэн верамез. Голюшурма больницаысь бертэмез бере уго пичи Миша шуиз вал: «Апай, мон гудыръяса зоремлэсь уг курда ни. Табере тодӥ сько, зор, музъемез миськем сяна, вуюисез кыткыса вае…» Нылкышно эшшо огпол инме учкиз. Пальпотӥ з. Вуюисен ӵ ош Миша солы озьы салам вера кадь йӧ тӥ з…

Утор* — загон, кенер котыртэм.